ആൻസി ജോസഫ് 

(KVARTHA) കേരളത്തിൽ എത്തുന്ന സഞ്ചാരികൾ വിനോദത്തിനായി തേടിപ്പോകുന്നത് ഇവിടുത്തെ വലിയ ടൂറിസ്റ്റ് കേന്ദ്രങ്ങളിലേയ്ക്കാണ്. തേക്കടിയും മൂന്നാറും വയനാടും ആലപ്പുഴയും ഒക്കെയാവും ഒരോരുത്തരുടെയും ലിസ്റ്റിലുള്ളത്. എന്നാൽ പ്രകൃതി ഭംഗി ആസ്വദിക്കാവുന്ന സുന്ദരമായ പ്രദേശങ്ങൾ ഇവിടെ ധാരാളം ഉണ്ടെന്നതാണ് വാസ്തവം. കേരളത്തിലെ ഒരോ ജില്ലയിലും ഇതുപോലെയുള്ള സ്ഥലങ്ങൾ അനവധിയാണ്. പക്ഷേ, അവയ്ക്ക് അത്രയൊന്നും പ്രസക്തി ഉണ്ടാകണമെന്നില്ല. 

എന്നാൽ അറിഞ്ഞു മനസ്സിലാക്കിയവർ ഇവിടെ ധാരാളമായി എത്തുന്നു എന്നതാണ് യാഥാർത്ഥ്യം. അതുപോലെയൊരു സ്ഥലത്തെയാണ് ഇന്ന് ഇവിടെ പരിചയപ്പെടുത്തുന്നത്. കോട്ടയം ജില്ലയിലെ 'ഇല്ലിക്കൽ കല്ല്’. ഒരിക്കൽ ഇവിടെ എത്തുന്നവരുടെ മനസ്സിൽ  'ഇല്ലിക്കൽ കല്ല് ചിരപ്രതിഷ്ഠ നേടിയിരിക്കും എന്നത് തീർച്ചയാണ്. അത്രയുണ്ട് ഇവിടുത്തെ പ്രകൃതി സൗന്ദര്യം. കോട്ടയം ജില്ലയിൽ ഈരാറ്റുപേട്ടയ്ക്ക് അടുത്ത് സ്ഥിതിചെയ്യുന്ന ഒരു വിനോദസഞ്ചാര കേന്ദ്രമാണ്  'ഇല്ലിക്കൽ കല്ല്'. അതിൻ്റെ പ്രത്യേകതകളാണ് ഇവിടെ വിവരിക്കുന്നത്.

മൂടൽമഞ്ഞ് നിറഞ്ഞ കുന്നുകളും മൃദുവായ ഇളം കാറ്റും നേരിയ ചാറ്റൽമഴയും പ്രകൃതിയുമായി ഇണങ്ങിയ ഒരു കുന്നിൻ മുകളിലാണ് ഇല്ലിക്കൽ കല്ല് സ്ഥിതി ചെയുന്നത്. ഒരു കുന്നിൻ മുകളിലുള്ള കൂറ്റൻ പാറയായ ഇല്ലിക്കൽ കല്ല്, അക്ഷരാർത്ഥത്തിൽ ഉയർന്നുനിൽക്കുകയും പ്രകൃതിയുടെ ശക്തികളെ വെല്ലുവിളിക്കുന്ന മുഷ്ടി പോലെയാണ്. അതുല്യമായ പാറക്കൂട്ടം പ്രകൃതിയുടെ വിസ്മയമാണ്, കോടമഞ്ഞിൽ പുതച്ച ഇല്ലിക്കൽ കല്ലിന്റെ കാഴ്ച കണ്ണുകൾക്ക് വിരുന്നാണ്.. കല്ല്’ അടുത്ത് കാണണമെങ്കിൽ ഉരുണ്ട കല്ലുകൾ നിറഞ്ഞ കുത്തനെയുള്ള ഇടുങ്ങിയ പാതയിലൂടെ സഞ്ചരിക്കണം. 

പാതക്ക് ഇരുവശവും സ്റ്റീൽ ബാരിക്കേഡുകൾ ഉള്ളതിനാൽ ആശങ്കകളില്ലാതെ ആത്മവിശ്വാസത്തോടെ ഓരോ ചുവടും മുന്നോട്ട് വെയ്ക്കാം. ട്രെക്കിംഗ് അൽപ്പം ആയാസകരമാണെങ്കിലും, കോടമഞ്ഞ് മൂടിയ ഇല്ലിക്കൽ കല്ലിന്റെയും താഴ്‌വരയുടെയും കാഴ്ച വിസ്മയിപ്പിക്കുന്നതാണ്. താഴെയുള്ള പട്ടണങ്ങൾ കുന്നിൻ മുകളിൽ നിന്നുള്ള പച്ചക്കടലിൽ ചെറിയ കുത്തുകൾ മാത്രമായിരിക്കും. മീനച്ചാൽ നദിയുടെ ചെറിയ കൈവഴികൾ ദൂരെ ഞരമ്പുകൾ പോലെ ഒഴുകുന്നത് കാണാമായിരുന്നു. എന്നാൽ ചുറ്റും കനത്ത മൂടൽമഞ്ഞ്, മുകളിൽ നിന്നുള്ള പക്ഷിയുടെ കാഴ്ച അൽപ്പം മങ്ങിയതായിരിക്കും. 

ഇവിടെ എത്താനുള്ള വഴി ഇങ്ങനെയാണ്: കോട്ടയം, പാലാ, ഈരാറ്റുപേട്ട, തീക്കോയി വഴി ഇല്ലിക്കലിൽ എത്താം. വാഗമണ്ണിൽ നിന്ന് തീക്കോയിയിൽ നിന്നും എറണാകുളത്ത് നിന്ന് മേലുകാവ്,മൂന്നിലാവ് വഴിയും ഈ മനോഹരമായ സ്ഥലത്ത് എത്തിച്ചേരാം. തീർച്ചയായും വാഗമൺ, തേക്കടി എന്നിവയൊക്കെ കാണാൻ എത്തുന്നവർക്ക് ഇല്ലിക്കൽ കല്ല് കാണാനും എളുപ്പമാണ്. വാഗമണ്ണിന് വളരെ അടുത്താണ് ഇല്ലിക്കൽ കല്ല് ഉള്ളത്. ഏതാണ്ട് 10 കിലോമീറ്റർ ദൂരം മാത്രം. 

അതുകൊണ്ട് വാഗമണ്ണിലോ തേക്കടിയിലോ എത്തുന്ന വിനോദസഞ്ചാരികൾ ഇല്ലിക്കൽ കല്ലും കൂടി കണ്ട് മടങ്ങാൻ ശ്രദ്ധിക്കുക. അത് എല്ലാവർക്കും മറ്റൊരു സുന്ദരമായ അനുഭവം പ്രദാനം ചെയ്യും. ഒരു മനോഹരമായ സ്ഥലത്തെ കുറിച്ചുള്ള ഈ ലേഖനം സുഹൃത്തുക്കളുമായും കുടുംബാംഗങ്ങളുമായും പങ്കുവെക്കുക. ഒരു അവിസ്മരണീയമായ അവധിക്കാലം ആഗ്രഹിക്കുന്നുവെങ്കിൽ, ഇല്ലിക്കൽ കല്ല് നിങ്ങളുടെ യാത്രാ ലിസ്റ്റിൽ ഉൾപ്പെടുത്താൻ മറക്കരുത്.

#IllikkalKallu #KeralaTourism #HillStation #Trekking #Nature #Adventure #Kottayam #IndiaTravel