Rescue | സുനിത വില്യംസും ബുച്ച് വില്മോറും ഉടന് തിരിച്ചെത്തുമോ? സ്പേസ് എക്സിന്റെ ക്രൂ-9 ദൗത്യം വിക്ഷേപിച്ചു, വീഡിയോ
ADVERTISEMENT
● 2 സീറ്റ് ഒഴിച്ചിട്ട് ഡ്രാഗണ് ക്യാപ്സൂള്.
● നാസയുടെ നിക്ക് ഹഗ്യൂ ആണ് കമാന്ഡര്.
● രണ്ടാമന് റഷ്യന് സഞ്ചാരിയായ ഗോര്ബുനോവ്.
● ഹെലീന് ചുഴലിക്കാറ്റ് തടസമായി.
ഫ്ലോറിഡ: (KVARTHA) സ്പേസ് എക്സിന്റെ ക്രൂ-9 ദൗത്യം (Crew 9) വിക്ഷേപിച്ചു. അന്താരാഷ്ട്ര ബഹിരാകാശ നിലയത്തില് കുടുങ്ങിയ ബോയിംഗ് സ്റ്റാര്ലൈനര് യാത്രികരായ സുനിത വില്യംസിനെയും (Suni Williams) ബുച്ച് വില്മോറിനെയും (Butch Wilmore) തിരിച്ചെത്തിക്കുന്നത് അടക്കമുള്ള ലക്ഷ്യങ്ങള്ക്കായാണ് ക്രൂ-9 ദൗത്യം വിക്ഷേപിച്ചത്.
2024 ജൂണില് ബോയിംഗിന്റെ സ്റ്റാര്ലൈനര് പേടകത്തില് ഐഎസ്എസില് എത്തിച്ചേര്ന്ന നാസയുടെ സുനിത വില്യംസിനും ബുച്ച് വില്മോറിനും പേടകത്തിലെ ഹീലിയം ചോര്ച്ചയെ തുടര്ന്ന് അതേ പേടകത്തില് ഭൂമിയിലേക്ക് മടങ്ങിവരാനായിരുന്നില്ല. വെറും എട്ട് ദിവസത്തെ ബഹിരാകാശ ദൗത്യത്തിനായി പോയ ഇരുവരും മൂന്ന് മാസത്തിലേറെയായി അന്താരാഷ്ട്ര ബഹിരാകാശ നിലയത്തില് തുടരുകയാണ്.
ഇവരെ മടക്കിക്കൊണ്ടുവരാനാണ് ഫ്ലോറിഡയിലെ കേപ് കനാവെറല് സ്പേസ് ഫോഴ്സ് സ്റ്റേഷനിലെ പ്രത്യേക വിക്ഷേപണത്തറയില് നിന്ന് രണ്ട് ബഹിരാകാശ യാത്രികരുമായി സ്പേസ് എക്സിന്റെ ഫാള്ക്കണ് 9 റോക്കറ്റ് കുതിച്ചുയര്ന്നത്. സ്പേസ് എക്സും നാസയും ക്രൂ-9 ദൗത്യത്തിലെ ഡ്രാഗണ് പേടത്തില് രണ്ട് സീറ്റുകള് ഒഴിച്ചിട്ടാണ് യാത്ര. സാധാരണയില് നിന്നും വ്യത്യസ്തമായി രണ്ട് പേരെ മാത്രം വഹിച്ചുകൊണ്ട് ക്രൂ-9 ദൗത്യത്തിലെ ഡ്രാഗണ് ക്യാപ്സൂള് (ഫ്രീഡം) പറന്നുയരാന് കാരണംതന്നെ 2025 ഫെബ്രുവരിയില് ഭൂമിയിലേക്ക് ഈ പേടകം തിരിച്ചെത്തുമ്പോള് രണ്ട് പേരെ കൂടി അന്താരാഷ്ട്ര ബഹിരാകാശ നിലയത്തില് നിന്ന് മടക്കിക്കൊണ്ടുവരാനുള്ളതിനാലാണ്.
നാസയുടെ നിക്ക് ഹഗ്യൂ ആണ് ക്രൂ-9ന്റെ കമാന്ഡര്. റഷ്യന് സഞ്ചാരിയായ ഗോര്ബുനോവാണ് ദൗത്യസംഘത്തിലെ രണ്ടാമന്. ഫ്രീഡം എന്ന് വിളിക്കുന്ന ഡ്രാഗണ് ക്യാപ്സൂളിലാണ് ഇരുവരുടെയും സഞ്ചാരം. ഞായറാഴ്ച ഇരുവരും ഐഎസ്എസില് എത്തിച്ചേരും. ഹെലീന് ചുഴലിക്കാറ്റിനെ തുടര്ന്ന് നേരത്തെ നിശ്ചയിച്ചിരുന്നതിലും ഏറെ വൈകിയാണ് അന്താരാഷ്ട്ര ബഹിരാകാശ നിലയത്തിലേക്ക് രണ്ട് രാത്രികരുമായി ക്രൂ-9 ദൗത്യം പുറപ്പെട്ടത്.
ഫ്ലോറിഡയിലെ എസ്എല്സി-40 ലോഞ്ച് പാഡില് നിന്നുള്ള ആദ്യ ബഹിരാകാശ ക്രൂ ലോഞ്ചാണിത്. മനുഷ്യരെ വഹിക്കാത്ത ബഹിരാകാശ വിക്ഷേപണങ്ങളായിരുന്നു കഴിഞ്ഞ വര്ഷങ്ങളില് ഈ വിക്ഷേപണത്തറയില് നിന്നുണ്ടായിരുന്നത്. രണ്ട് വര്ഷം സമയമെടുത്താണ് നാസയും സ്പേസ് എക്സും ചേര്ന്ന് ഈ വിക്ഷേപണത്തറ ആസ്ട്രോണറ്റ് ഫ്ലൈറ്റുകള്ക്കായി തയ്യാറാക്കിയത്.
#SpaceX #Crew9 #NASA #ISS #rescue #astronauts #space #launch
LIVE: Our @SpaceX #Crew9 mission launches to the @Space_Station. Liftoff from Cape Canaveral Space Force Station is scheduled for 1:17pm ET (1717 UTC). Questions? Use #AskNASA https://t.co/ShUyD36syY
— NASA (@NASA) September 28, 2024
Falcon 9 launches Crew-9, the first human spaceflight mission to launch from pad 40 in Florida pic.twitter.com/BYpPPtaKqm
— SpaceX (@SpaceX) September 28, 2024
