കെ ആര്‍ ജോസഫ്

(KVARTHA) സാധാരണ ഗതിയില്‍ മനുഷ്യന്‍ മനുഷ്യന് രക്തം നല്‍കുന്നതാണ് കണ്ടുവരുന്നത്. അതിനെക്കുറിച്ചാണ് നമുക്ക് അധികം പരിചയവും. കാരണം, നമ്മളില്‍ പലരും വേണ്ടപ്പെട്ടവര്‍ക്ക് ആവശ്യമെന്ന് തോന്നിയ സാഹചര്യത്തില്‍ രക്തം കൊടുത്തിട്ടുണ്ടാകും എന്നതു തന്നെ. എന്നാല്‍ മനുഷ്യര്‍ക്കുമാത്രമല്ല, മൃഗങ്ങള്‍ക്കും രക്തം ആവശ്യമായി വരാറുണ്ടെന്നു പറയുന്നു. പ്രത്യേകിച്ച് നായകള്‍ക്ക്. 

ഒരു നായയ്ക്ക് രക്തം വേണ്ടി വരുന്ന സാഹചര്യത്തില്‍ മറ്റൊരു നായയുടെ രക്തം സ്വീകരിക്കാവുന്നതാണ്. അതിനായി ഒരു വൈബ്സൈറ്റും നിലവിലുണ്ട്. അതിനെക്കുറിച്ചെല്ലാം വിശദമാക്കുന്ന ഒരു കുറിപ്പാണ് ശ്രദ്ധയാകര്‍ഷിക്കുന്നത്. കുറിപ്പില്‍ പറയുന്നത് ഇങ്ങനെയാണ്:

രക്തദാനം മഹാദാനം. മനുഷ്യര്‍ക്കുമാത്രമല്ല, മൃഗങ്ങള്‍ക്കും രക്തം ആവശ്യമായി വരാറുണ്ട്. നായകള്‍ക്ക് രക്തം വേണ്ടിവരുന്ന സന്ദര്‍ഭങ്ങളില്‍ സഹായകമായ ഒരു  വെബ്സൈറ്റ് ഉണ്ട്. ശസ്ത്രക്രിയ, വിളര്‍ച്ച, കൊക്കപ്പുഴുവിന്റെ ശല്യം, ചെള്ളുപനി തുടങ്ങി പല സന്ദര്‍ഭങ്ങളിലും നായകള്‍ക്കും രക്തം നല്‍കേണ്ടി വരാറുണ്ട്. എന്നാല്‍, പലപ്പോഴും രക്തദാതാക്കളെ ലഭിക്കാറില്ലെന്നതാണ് ഉടമകള്‍ നേരിടുന്ന പ്രതിസന്ധി. ഇതിനൊരു പരിഹാരമായാണ് വെബ്സൈറ്റ് ഉള്ളത്. 

ഇത് തയ്യാറാക്കിയിരുന്നത്  വെറ്ററിനറി ഡോക്ടര്‍ ആയ ഡോ. എബിന്‍ ജോയിയാണ്. ഇദ്ദേഹം നായകള്‍ക്കായി പെറ്റ് മാട്രിമോണിയും ഒരുക്കിയിട്ടുണ്ട്.നായകളെ ദാതാക്കളാക്കാനും ഇതില്‍ സൗജന്യമായി രജിസ്റ്റര്‍ ചെയ്യാം. നായകള്‍ക്കിടയിലും പല രക്തഗ്രൂപ്പുകളുണ്ടെങ്കിലും മനുഷ്യനുള്ളതുപോലെ ആന്റിബോഡികളില്ല. അതുകൊണ്ട് ആദ്യതവണ ഏതു ഗ്രൂപ്പില്‍ നിന്നും രക്തം സ്വീകരിക്കാം. എന്നാല്‍, പിന്നീട് രക്തം സ്വീകരിക്കേണ്ടിവരുകയാണെങ്കില്‍ ക്രോസ് മാച്ച് ചെയ്യേണ്ടിവരും. 

ഒന്നുമുതല്‍ എട്ടു വരെ വയസ്സുള്ള, 25 കിലോയിലധികം തൂക്കമുള്ള നായകള്‍ക്ക് രക്തം ദാനംചെയ്യാം. കൃത്യമായി വാക്സിനെടുക്കുകയും അണുബാധയൊന്നും ഇല്ലാതിരിക്കുകയും വേണം. ഒരു നായയുടെ ആകെ രക്ത അളവിന്റെ 10 ശതമാനം വരെ ദാനം ചെയ്യാം. ജില്ല തിരിച്ച്, പിന്‍കോഡടക്കമാണ് വെബ്സൈറ്റില്‍ രജിസ്റ്റര്‍ ചെയ്യേണ്ടത്. അതിനാല്‍ ദാതാക്കളെ കണ്ടെത്താന്‍ എളുപ്പമാകും. വെബ്സൈറ്റ് വിലാസം: https://vetigo-7raddao(dot)gamma(dot)site/donate-blood 

വളരെ പ്രസക്തമായ കുറിപ്പാണിത്. മനുഷ്യരെപ്പോലെ നായകള്‍ക്കും രക്തം ആവശ്യമായി വരും എന്ന തിരിച്ചറിവ് വളരെ പ്രധാനമാണ്. പലപ്പോഴും രക്തദാതാക്കളെ കിട്ടാനില്ലാത്തതുകൊണ്ട് ഉടമകള്‍ വിഷമിക്കാറുണ്ട്. ഈ വെബ്‌സൈറ്റ് അത്തരം ബുദ്ധിമുട്ടുകള്‍ക്ക് ഒരു പരിഹാരമാണ്. വെറ്ററിനറി ഡോക്ടറായ ഡോ. എബിന്‍ ജോയിയുടെ ഈ ഉദ്യമം പ്രശംസനീയമാണ്. നായകളുടെ ജീവന്‍ രക്ഷിക്കാന്‍ സഹായിക്കുന്ന ഇത്തരം സംരംഭങ്ങളെ പ്രോത്സാഹിപ്പിക്കേണ്ടത് അത്യാവശ്യമാണ്. സുഹൃത്തുക്കള്‍ക്കും ബന്ധുക്കള്‍ക്കും ഈ വിവരങ്ങള്‍ പങ്കുവെക്കുക വഴി, ഒരു ജീവന്‍ രക്ഷിക്കാനുള്ള നല്ല കാര്യത്തില്‍ പങ്കാളികളാകാന്‍ അവരെയും സഹായിക്കാം.

#dogblooddonation #Kerala #pethealth #animalwelfare #blooddonation #vetcare