തിരുവനന്തപുരം: (KVARTHA) ഇരട്ടപ്പദവി ചൂണ്ടിക്കാട്ടി തിരുവിതാംകൂർ ദേവസ്വം ബോർഡ് പ്രസിഡൻ്റ് കെ ജയകുമാറിനെ അയോഗ്യനാക്കണമെന്ന് ആവശ്യപ്പെട്ട് തിരുവനന്തപുരം ജില്ലാ കോടതിയിൽ ഹർജി. ബി അശോക് ഐഎഎസാണ് കെ ജയകുമാറിനെതിരെ കോടതിയെ സമീപിച്ചിരിക്കുന്നത്. സർക്കാർ പദവിയിലിരിക്കെ തിരുവിതാംകൂർ ദേവസ്വം ബോർഡ് പ്രസിഡൻ്റ് ആയത് ചട്ടവിരുദ്ധമാണെന്നാണ് ഹർജിയിലെ പ്രധാന ആരോപണം.

ഐഎംജി ഡയറക്ടർ പദവിയിലിരിക്കെയാണ് കെ ജയകുമാർ ബോർഡ് പ്രസിഡൻ്റ് ആയി ചുമതലയേറ്റത്. ഇത് ചട്ടലംഘനമാണ് എന്നാണ് ആക്ഷേപം. അതേസമയം, തനിക്ക് ഇരട്ടപ്പദവി ഇല്ലെന്നും ബോർഡ് പ്രസിഡൻ്റ് ആയതിൽ ചട്ടലംഘനം ഉണ്ടായിട്ടില്ലെന്നും കെ ജയകുമാർ പ്രതികരിച്ചു.

പകരക്കാരൻ വരുംവരെ മാത്രം

രണ്ടിടത്തും ഒരേ സമയം ആനുകൂല്യം പറ്റുന്നില്ലെന്നും കെ ജയകുമാർ വ്യക്തമാക്കി. ഐഎജി ഡയറക്ടർ പദവിയിൽ തിരഞ്ഞെടുപ്പ് കഴിഞ്ഞാൽ പുതിയ ആളെ നിയമിക്കുമെന്നും അദ്ദേഹം കൂട്ടിച്ചേർത്തു. ഐഎംജി ഡയറക്ടർ ചുമതല ഒഴിയാൻ തയാറാണെന്നും പകരക്കാരൻ വരുന്നത് വരെ മാത്രമേ ആ പദവിയിൽ തുടരൂ എന്നും കെ ജയകുമാർ ഏഷ്യാനെറ്റ് ന്യൂസിനോട് പ്രതികരിച്ചു.

അതേസമയം, ജയകുമാറിൻ്റെ നിയമനം ചട്ടലംഘനം തന്നെയെന്ന് ഹർജി നൽകിയ ബി അശോക് ഐഎഎസ് പറഞ്ഞു. ഐഎംജി പദവി ഒഴിഞ്ഞ ശേഷം വേണമായിരുന്നു ദേവസ്വം ബോർഡ് പ്രസിഡൻ്റ് സ്ഥാനം ഏറ്റെടുക്കാനെന്നും അദ്ദേഹം ചൂണ്ടിക്കാട്ടി. കെ ജയകുമാറിൻ്റെ ഐഎംജി ഡയറക്ടർ നിയമനവും ചട്ടലംഘനമാണെന്ന് ബി അശോക് ആരോപിച്ചു. എന്നാൽ, കോടതിയിൽ കാര്യങ്ങൾ ബോധിപ്പിക്കുമെന്നും കെ ജയകുമാർ അറിയിച്ചു.

ദേവസ്വം ബോർഡ് പ്രസിഡൻ്റിൻ്റെ നിയമനം ചട്ടപ്രകാരമാണോ? ഈ ഇരട്ടപ്പദവി ആരോപണത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Article Summary: Petition filed in Thiruvananthapuram court seeking disqualification of TDB President K Jayakumar over dual post.

#DevaswomBoard #KJayaKumar #DualPost #KeralaPolitics #CourtCase #TDB