കൊച്ചി: (KVARTHA) ഈ വർഷത്തെ ഓണം കളറാക്കാൻ പുതിയൊരു ഓണപ്പാട്ട് എത്തി. പ്രശസ്ത ഗായകൻ ജി. വേണുഗോപാലും മകൻ അരവിന്ദ് വേണുഗോപാലും ചേർന്ന് പാടിയ 'ഓണം വന്നേ' എന്ന ഗാനമാണ് ഇപ്പോൾ ശ്രദ്ധ നേടുന്നത്. സംഗീതജ്ഞൻ ജനചന്ദ്രൻ ആദ്യമായി പാടുന്ന ഗാനം കൂടിയാണിത്.

രശ്മി പ്രകാശിന്റെ വരികൾക്ക് ഈണം നൽകിയിരിക്കുന്നത് നാരായണൻ ആർ. മേനോനാണ്. എഴുത്തുകാരിയും കവിയത്രിയും ഗാനരചയിതാവുമായ രശ്മി പ്രകാശിന്റെ പതിമൂന്നാമത്തെ ഗാനമാണിത്. ഹൃദയവേണു ക്രിയേഷൻസിന്റെ യൂട്യൂബ് ചാനലിലൂടെയാണ് ഗാനം പുറത്തിറങ്ങിയത്.

തിരുവാതിര, വള്ളംകളി, ചെണ്ടമേളം, കഥകളി, പുലിക്കളി തുടങ്ങി കേരളത്തിന്റെ തനത് കലാരൂപങ്ങളെല്ലാം ഉൾപ്പെടുത്തിയാണ് ഗാനം ചിത്രീകരിച്ചിരിക്കുന്നത്. ഓണത്തിന്റെ തനത് കാഴ്ചകളും പാട്ടിൽ കാണാം. വലിയ പ്രേക്ഷക സ്വീകാര്യതയാണ് പാട്ടിന് ലഭിക്കുന്നത്. 'കണ്ണിനും കാതിനും ഇമ്പമായി ഈ ഗാനം', 'അതിമനോഹരം', 'ഓണം വൈബ്', 'പൊളി വൈബ്' എന്നിങ്ങനെയാണ് വീഡിയോയുടെ താഴെ വരുന്ന കമന്റുകൾ.
 

ഈ വർഷത്തെ ഏറ്റവും മികച്ച ഓണപ്പാട്ട് ഇതാണോ? നിങ്ങളുടെ അഭിപ്രായം പങ്കുവയ്ക്കുക.

Article Summary: A new Onam song by G Venugopal and his son goes viral.

#Onam2025 #OnamSong #GVenuogopal #ViralSong #MalayalamSong #Kerala