സ്വാതന്ത്ര്യദിനാഘോഷത്തിൽ രാജ്യം; ചെങ്കോട്ടയിൽ ദേശീയ പതാക ഉയർത്തി പ്രധാനമന്ത്രി നരേന്ദ്ര മോദി

ന്യൂഡൽഹി: (KVARTHA) രാജ്യം 80-ാം സ്വാതന്ത്ര്യദിനാഘോഷത്തിൽ. പ്രധാനമന്ത്രി നരേന്ദ്ര മോദി ചെങ്കോട്ടയിൽ ദേശീയ പതാക ഉയർത്തി. 21 ഗൺ സല്യൂട്ടിൻ്റെ അകമ്പടിയോടെയാണ് പ്രധാനമന്ത്രി ദേശീയപതാക ഉയർത്തിയത്. പതാക ഉയർത്തിയ ശേഷം പ്രധാനമന്ത്രി സല്യൂട്ട് സ്വീകരിച്ചു. ശനിയാഴ്ച (ഓഗസ്റ്റ് 15) നടന്ന സ്വാതന്ത്ര്യദിനാഘോഷത്തിൻ്റെ ഭാഗമായി വ്യോമസേനയുടെ രണ്ട് എംഐ 17 ഹെലികോപ്റ്ററിൽ നിന്ന് പുഷ്പവൃഷ്ടിയും നടന്നു. പതാകയുയർത്തിയ ശേഷം പ്രധാനമന്ത്രി രാജ്യത്തെ അഭിസംബോധന ചെയ്ത് സംസാരിച്ചു.

ആദ്യമായി വന്ദേമാതരം

ആഘോഷങ്ങളുടെ ഭാഗമായി ചെങ്കോട്ടയിൽ ആദ്യമായി വന്ദേമാതരം ആലപിച്ചു. അടുത്തിടെ സർക്കാർ പരിപാടികളിൽ വന്ദേമാതരം നിർബന്ധമായും ആലപിക്കണമെന്ന് പാർലമെൻ്റ് വർഷകാല സമ്മേളനത്തിൽ ബിൽ പാസാക്കിയിരുന്നു. ഇതിൻ്റെ അടിസ്ഥാനത്തിലാണ് ചെങ്കോട്ടയിൽ ഇത്തവണ ഔദ്യോഗികമായി വന്ദേമാതരം ആലപിച്ചത്.

കനത്ത സുരക്ഷയിൽ ഡൽഹി

സ്വാതന്ത്ര്യദിനാഘോഷങ്ങളുടെ പശ്ചാത്തലത്തിൽ തലസ്ഥാനമായ ഡൽഹി കനത്ത സുരക്ഷാവലയത്തിലാണ്. 15,000 സുരക്ഷാ ഉദ്യോഗസ്ഥരെയാണ് രാജ്യതലസ്ഥാനത്ത് വിന്യസിച്ചത്. ഡൽഹി അതിർത്തി, റെയിൽവേ സ്റ്റേഷനുകൾ, മെട്രോ, വിമാനത്താവളം എന്നിവിടങ്ങളിലെല്ലാം കനത്ത സുരക്ഷയാണ് ഏർപ്പെടുത്തിയിരിക്കുന്നത്. നഗരത്തിൽ കർശന ഗതാഗത നിയന്ത്രണങ്ങളുമുണ്ട്. ചെങ്കോട്ടയിലും പരിസരത്തുമായി 1000-ത്തിലധികം സിസിടിവി ക്യാമറകൾ സ്ഥാപിച്ചു. വ്യോമനിരീക്ഷണവും ശക്തമാക്കിയിട്ടുണ്ട്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: India celebrates its 80th Independence Day on August 15, 2026. Prime Minister Narendra Modi hoisted the national flag at the Red Fort, followed by a 21-gun salute and a flower petal shower by two MI 17 helicopters of the Air Force.

#IndependenceDay2026 #RedFort #PMModi #VandeMataram #DelhiSecurity #NationalNews #MalayalamNews #India #AmmuNews