പ്രമുഖർ തോറ്റു; കണ്ണൂർ കോർപ്പറേഷൻ തിരഞ്ഞെടുപ്പിൽ എൽഡിഎഫിന് സീറ്റ് കുറഞ്ഞു

കണ്ണൂർ: (KVARTHA) കോർപ്പറേഷനിൽ എൽഡിഎഫിന് വൻ തിരിച്ചടി നൽകിക്കൊണ്ട് യുഡിഎഫ് കേവലഭൂരിപക്ഷം നേടി. ഇതോടെ യുഡിഎഫ് ഭരണത്തുടർച്ച ഉറപ്പിച്ചു. 56 ഡിവിഷനുകളുള്ള കോർപ്പറേഷനിൽ യുഡിഎഫ് 36 സീറ്റുകളാണ് നേടിയത്.

നിലവിൽ എൽഡിഎഫ് 15 സീറ്റുകൾ നേടി രണ്ടാം സ്ഥാനത്തുണ്ട്. എൻഡിഎ നാല് സീറ്റും അറക്കൽ ഡിവിഷനിൽ എസ്ഡിപിഐ ഒരു സീറ്റും നേടി. ഇതാദ്യമായാണ് എസ്ഡിപിഐ കോർപ്പറേഷനിൽ അക്കൗണ്ട് തുറക്കുന്നത്.

പഞ്ഞിക്കരയിൽ പി കെ രാഗേഷ് തോറ്റ പ്രമുഖരിൽ ഉൾപ്പെടുന്നു. താളിക്കാവിൽ നിന്നും സ്പോർട്സ് കൗൺസിൽ മുൻ സംസ്ഥാന പ്രസിഡൻ്റ് ഒ കെ വിനീഷിനും അറക്കലിൽ നിന്നും മുൻ സ്റ്റാൻഡിങ് കമ്മിറ്റി ചെയർപേഴ്സൺ കെ പി സാബിറയ്ക്കും പരാജയം നേരിട്ടു. കോൺഗ്രസിന് സിറ്റിങ് സീറ്റുകളായ തുളിച്ചേരിയും ടെംപിൾവാർഡും നഷ്ടപ്പെട്ടു.

ബിജെപി പള്ളിക്കുന്ന് സീറ്റ് നിലനിർത്തുന്നതിനോടൊപ്പം മൂന്ന് സീറ്റുകൾ പിടിച്ചെടുക്കുകയും ചെയ്തു. കഴിഞ്ഞ തവണ 34 സീറ്റ് നേടിയ യുഡിഎഫ് ഇത്തവണ അത് 36 സീറ്റാക്കി വർദ്ധിപ്പിച്ചപ്പോൾ, കഴിഞ്ഞ തവണ 19 സീറ്റുണ്ടായിരുന്ന എൽഡിഎഫിന് 4 സീറ്റുകൾ കുറഞ്ഞ് 15 ആയി ചുരുങ്ങി. ബിജെപി മൂന്ന് സീറ്റ് വർദ്ധിപ്പിച്ചപ്പോൾ എസ്ഡിപിഐ കോർപ്പറേഷനിൽ ആദ്യമായി വിജയിച്ചു.

ഈ വാർത്ത കൂട്ടുകാർക്ക് ഷെയർ ചെയ്യൂ. നിങ്ങളുടെ അഭിപ്രായം കമന്റ് ചെയ്യുക. 

Article Summary: UDF retains Kannur Corporation with 36 seats, a major setback for LDF, which won only 15 seats.

#KannurCorporation #KeralaLocalPolls #UDF #LDF #KeralaPolitics