ന്യൂഡൽഹി: (KVARTHA) ഡൽഹി നിയമസഭാ തിരഞ്ഞെടുപ്പിന്റെ ഫലങ്ങൾ പുറത്തുവരുമ്പോൾ, ചില പ്രധാന നേതാക്കൾ മുന്നിലും മറ്റു ചിലർ പിന്നിലുമായി. ന്യൂഡൽഹി മണ്ഡലത്തിൽ അരവിന്ദ് കേജ്‌രിവാൾ എതിരാളികളെക്കാൾ മുന്നിലാണ്. ജങ്പുരയിൽ മനീഷ് സിസോദിയയും ഗ്രേറ്റർ കൈലാഷിൽ സൗരഭ് ഭരദ്വാജും മുന്നിട്ടുനിൽക്കുന്നു. എന്നാൽ, മുഖ്യമന്ത്രി അതിഷി (എഎപി) കൽക്കാജിയിൽ പിന്നിലാണ്. കൽക്കാജിയിൽ ബിജെപിയുടെ രമേശ് ബിധുരിയും പട്പർഗഞ്ചിൽ രവീന്ദർ സിംഗ് നേഗിയും മുന്നിലാണ്.

ബിജെപി നേതാവ് കപിൽ മിശ്ര കരാവൽ നഗർ സീറ്റിൽ മുന്നിട്ട് നിൽക്കുന്നു. ആം ആദ്മി പാർട്ടിയുടെ മനോജ് ത്യാഗിയാണ് പിന്നിൽ. നിലവിലെ കാബിനറ്റ് മന്ത്രി ഇമ്രാൻ ഹുസൈൻ ബല്ലിമാരനിൽ മുന്നിലാണ്. ബിജെപി സ്ഥാനാർത്ഥി കമാൽ ബാഗ്ദി പിന്നിലായി. ബാബർപൂർ നിയമസഭാ സീറ്റിലെ ട്രെൻഡുകളിൽ ആം ആദ്മി സ്ഥാനാർത്ഥി ഗോപാൽ റായ് ആണ് മുന്നേറുന്നത്. ബിജെപിയുടെ അനിൽ വസിഷ്ഠ പിന്നിലാണ്. 

മുസ്ലീം ഭൂരിപക്ഷ സീറ്റുകളായ ഓഖ്‌ലയിലും മുസ്തഫബാദിലും ബിജെപി മുന്നിലെത്തിയത് ശ്രദ്ധേയമായി.  ഓഖ്‌ല സീറ്റിൽ ബിജെപിയുടെ മനീഷ് ചൗധരിയാണ് മുന്നിൽ, ആം ആദ്മി പാർട്ടിയുടെ പ്രമുഖ നേതാവ്  അമാനത്തുല്ല ഖാൻ പിന്നിലാണ്. മുസ്തഫാബാദ് മണ്ഡലത്തിൽ ബിജെപിയുടെ മോഹൻ സിംഗ് ബിഷ്ത് ലീഡ്‌ ചെയ്യുകയാണ്. ഓഖ്‌ലയിലും മുസ്തഫാബാദിലും എഎപിന്റെ സാധ്യതകൾക്ക് അസദുദ്ദീൻ ഒവൈസിയുടെ ഓൾ ഇന്ത്യ മജ്‌ലിസ്-ഇ-ഇത്തേഹാദുൽ മുസ്ലിമീൻ (എ.ഐ.എം.ഐ.എം) മങ്ങലേൽപ്പിച്ചിരിക്കാനാണ് സാധ്യതയെന്നാണ് വിലയിരുത്തൽ.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Kejriwal leads in Delhi, but CM Atishi trails behind in Kalkaji. BJP gains ground in key Muslim-majority constituencies.
#DelhiElections #Kejriwal #BJP #Atishi #DelhiNews #ElectionResults