ശബരിമല തീർത്ഥാടകർക്ക് കണ്ണൂരിൽ ഇടത്താവളവും അന്നദാനവും ഒരുക്കുമെന്ന് അഖില ഭാരത അയ്യപ്പ സേവാ സംഘം

കണ്ണൂർ: (KVARTHA) ശബരിമല അയ്യപ്പഭക്തർക്കായി അഖില ഭാരത അയ്യപ്പ സേവാ സംഘം കണ്ണൂർ തളാപ്പ് ശ്രീ സുന്ദരേശ്വര ക്ഷേത്രാങ്കണത്തിൽ ഇടത്താവളവും അന്നദാനവും ഒരുക്കുമെന്ന് ഭാരവാഹികൾ കണ്ണൂർ പ്രസ് ക്ലബ്ബിൽ നടന്ന വാർത്താസമ്മേളനത്തിൽ അറിയിച്ചു.

നവംബർ 23 മുതൽ ജനുവരി 14 വരെയാണ് അന്നദാനം നൽകുന്നത്. നവംബർ 23-ന് രാവിലെ 11 മണിക്ക് അഴീക്കോട് ശാന്തി മഠം മഠാധിപതി ബ്രഹ്മശ്രീ ആത്മചൈതന്യ സ്വാമികൾ ഉദ്ഘാടനം ചെയ്യും. ചടങ്ങിൽ ഭക്തിസംവർദ്ധിനി യോഗം പ്രസിഡൻ്റ് കെ പി ബാലകൃഷ്ണൻ അധ്യക്ഷനാകും.

ഇത് മൂന്നാം വർഷമാണ് അഖില ഭാരത അയ്യപ്പ സേവാ സംഘം തീർത്ഥാടകർക്കായി ഇടത്താവളം ഒരുക്കുന്നത്. ഒരു ദിവസം മൂവായിരത്തോളം അയ്യപ്പ ഭക്തർക്ക് മൂന്ന് നേരത്തെ ഭക്ഷണവും വിരിവെക്കാനുള്ള സൗകര്യവും പ്രാഥമിക ആവശ്യങ്ങൾക്കുള്ള സൗകര്യവുമാണ് ഇവിടെ ഒരുക്കിയിട്ടുള്ളത്.

നവംബർ 24-ന് വൈകുന്നേരം ആറുമണിക്ക് അന്നദാന കേന്ദ്രത്തിൽ നിന്ന് ക്ഷേത്രത്തിലേക്ക് കർപ്പൂര ദീപ പ്രദക്ഷിണം നടക്കും. ജനുവരി 14-ന് ഉച്ചയ്ക്ക് ഒരു മണിക്ക് മകര സംക്രമ സദ്യയും വൈകിട്ട് ആറുമണിക്ക് ലക്ഷം ദീപ സമർപ്പണവും നടക്കും.

വാർത്താസമ്മേളനത്തിൽ ക്യാമ്പ് ഓഫീസർ ഡോ. ഹരിപ്രഭ, സെക്രട്ടറി അഡ്വ. സി എസ് സുദീപ്, ട്രഷറർ സനിത്താനന്ദ്, ഫൈനാൻസ് കമ്മിറ്റി ചെയർമാൻ ജയദേവ് രാഘവൻ, കൺവീനർ മധുസൂദനൻ എന്നിവർ പങ്കെടുത്തു.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റ് ചെയ്യുക.

Article Summary: All India Ayyappa Seva Sangam sets up a free rest stop and annadanam for Sabarimala pilgrims in Kannur from Nov 23 to Jan 14.

#Sabarimala #Annadanam #Kannur #AyyappaSevaSangam #PilgrimAid #Shabarimala