സ്കോപ്ജെ: (KVARTHA) തെക്ക് കിഴക്കൻ യൂറോപ്യൻ രാജ്യമായ നോർത്ത് മാസിഡോണിയയിലെ കോകാനിയിലുള്ള ക്ലബ് പൾസിൽ ഉണ്ടായ വൻ തീപിടിത്തത്തിൽ 51 പേർ മരിക്കുകയും നൂറിലധികം പേർക്ക് പരിക്കേൽക്കുകയും ചെയ്തു. ഞായറാഴ്ച പുലർച്ചെ പുലർച്ചെ മൂന്നുമണിയോടെയാണ് അപകടം സംഭവിച്ചത്. അപ്രതീക്ഷിതമായി പടർന്നുപിടിച്ച തീനാളങ്ങൾ നിമിഷനേരം കൊണ്ട് ക്ലബ്ബിനെ ദുരന്തഭൂമിയാക്കി മാറ്റി. വിവരമറിഞ്ഞയുടൻ തന്നെ അടിയന്തര സേവനങ്ങൾ സ്ഥലത്തെത്തി രക്ഷാപ്രവർത്തനം ആരംഭിച്ചു. 

അപകടം നടക്കുമ്പോൾ ക്ലബ്ബിൽ ഒരു സംഗീത പരിപാടി നടക്കുകയായിരുന്നു. പ്രശസ്തമായ ഹിപ്-ഹോപ് സംഘമായ എഡിഎൻൻ്റെ പരിപാടി കാണാനായി ഏകദേശം 1500 ഓളം ആളുകൾ ക്ലബ്ബിൽ ഒത്തുകൂടിയിരുന്നു. രക്ഷപ്പെടാനുള്ള ശ്രമത്തിനിടയിൽ തിക്കിലും തിരക്കിലും പെട്ട് നിരവധി പേർക്ക് പരിക്കേറ്റതായും ചിലർ ചതഞ്ഞരഞ്ഞതായും ദൃക്സാക്ഷികൾ പറയുന്നു. പരിഭ്രാന്തരായ ആളുകൾ പുറത്തേക്ക് ഓടാൻ ശ്രമിച്ചതാണ് അപകടത്തിന്റെ വ്യാപ്തി വർദ്ധിപ്പിച്ചത്. 

തലസ്ഥാനമായ സ്കോപ്ജെയിൽ നിന്ന് ഏകദേശം 100 കിലോമീറ്റർ കിഴക്കായി സ്ഥിതി ചെയ്യുന്ന ഒരു നഗരമാണ് കോകാനി. സോഷ്യൽ മീഡിയയിൽ ഇതിനോടകം തന്നെ അപകടത്തിന്റെ ഭീകരമായ ദൃശ്യങ്ങൾ പ്രചരിക്കുന്നുണ്ട്. ക്ലബ്ബിൻ്റെ കെട്ടിടം പൂർണമായും അഗ്നിക്കിരയായതും വലിയ തോതിൽ പുക ഉയരുന്നതും ദൃശ്യങ്ങളിൽ വ്യക്തമായി കാണാം. മണിക്കൂറുകൾ കഴിഞ്ഞിട്ടും തീ പൂർണമായും അണഞ്ഞിട്ടില്ലെന്നും രക്ഷാപ്രവർത്തനം ഇപ്പോഴും പുരോഗമിക്കുകയാണെന്നും അധികൃതർ അറിയിച്ചു.

More than 100 injured and at least 53 dead in nightclub fire in North Macedonia.
pic.twitter.com/fA6ylh0SiC

— Sonia Beloch (@sonia_0707_) March 16, 2025

പ്രാദേശിക മാധ്യമങ്ങൾ നൽകുന്ന വിവരങ്ങൾ അനുസരിച്ച്, സ്റ്റേജിൽ നിന്നുള്ള തീപ്പൊരികൾ സീലിംഗിൽ തട്ടിയതാണ് തീപിടിത്തത്തിന് കാരണം. സംഗീത പരിപാടിക്കിടെയുണ്ടായ തീപ്പൊരികൾ പെട്ടെന്ന് തന്നെ പടർന്നുപിടിക്കുകയായിരുന്നുവെന്നും ദൃക്സാക്ഷികൾ പറയുന്നു. ഇത് വ്യക്തമായി ദൃശ്യങ്ങളിൽ പതിഞ്ഞിട്ടുണ്ട്. എന്നാൽ ഇത് സംബന്ധിച്ച് ഔദ്യോഗിക സ്ഥിരീകരണം ഇതുവരെ വന്നിട്ടില്ല. 

A massive fire at the Club Pulse in Kokani, North Macedonia, resulted in the deaths of 51 people and injured over a hundred. The fire is believed to have started from sparks from a music performance.

#NorthMacedoniaFire #NightclubFire #Tragedy #Kokani #FireAccident #BreakingNews