കെന്റക്കി: (KVARTHA) അമേരിക്കയിലെ കെന്റക്കിയിൽ യുണൈറ്റഡ് പാഴ്‌സൽ സർവീസ് (UPS) കമ്പനിയുടെ ചരക്ക് വിമാനം തകർന്നു വീണ സംഭവത്തിൽ മരണസംഖ്യ നാലായി. അപകടത്തിൽ 11 പേർക്ക് പരിക്കേറ്റതായും കെന്റക്കി ഗവർണർ ആന്റി ബഷർ സ്ഥിരീകരിച്ചു. കെന്റക്കിയിലെ ലൂയിവിൽ വിമാനത്താവളത്തിൽ നിന്ന് ടേക്ക് ഓഫ് ചെയ്ത ഉടനെയാണ് യുപിഎസ് കാർഗോ വിമാനം തകർന്നത്.

പ്രാദേശിക സമയം ചൊവ്വാഴ്ച (04.11.2025) വൈകീട്ട് 5:15-ഓടെയാണ് സംഭവം. വിമാനത്താവളം ഉൾപ്പെടുന്ന വ്യവസായ മേഖലയിലാണ് വിമാനം തകർന്നു വീണത്. വിമാനത്തിലുണ്ടായിരുന്ന മൂന്ന് ജീവനക്കാരുടെ മരണം നേരത്തെ സ്ഥിരീകരിച്ചിരുന്നു. പിന്നാലെ ഒരാൾ കൂടി മരിച്ചതായി വിമാനത്താവളം വക്താവ് അറിയിച്ചു.

Heartbreaking images coming out of Kentucky tonight.

Here’s an update from @FAANews
- UPS cargo flight 2976
- Crashed around 5:15 ET after takeoff from Louisville Muhammad Ali International Airport en route to Honolulu
- The aircraft was a McDonnell Douglas MD-11.

Please… pic.twitter.com/yE1Brhv8cQ

— Secretary Sean Duffy (@SecDuffy) November 4, 2025

കാരണം അവ്യക്തം രക്ഷാപ്രവർത്തനം ഊർജ്ജിതം

അപകടത്തെ തുടർന്ന് വിമാനത്താവളം അടച്ചു. എങ്കിലും വിമാനത്താവളത്തിലെ ഒരു റൺവേ തുറന്നിട്ടുണ്ട്. വിമാനാപകടത്തിൽ പരിക്കേറ്റ 11 പേർക്ക് അടിയന്തര ചികിത്സ നൽകി വരികയാണ്.

ഒരു ലക്ഷം കിലോ ഭാരം വരുന്ന 38,000 ഗാലൺ ഇന്ധനവുമായാണ് വിമാനം പറന്നുയർന്നതെന്നാണ് വിവരം. ഈ ഇന്ധനത്തെ തുടർന്ന് വലിയ തോതിലുള്ള തീപിടുത്തമാണ് അപകട സ്ഥലത്ത് ഉണ്ടായത്. തീപിടിക്കാനുള്ള കാരണം വ്യക്തമല്ല. തീയണക്കാനുള്ള ശ്രമങ്ങൾ ഊർജ്ജിതമായി തുടരുകയാണ്.

വിമാനം: എംഡി 11 എഫ്

തകർന്നു വീണത് മക്‌ഡൊണൽ ഡഗ്ലസ് നിർമിച്ച എംഡി 11 എഫ് (MD 11 F) വിമാനമാണ്. ഈ കമ്പനി 1997-ൽ ബോയിങിൽ ലയിച്ചിരുന്നു. ഉപഭോക്താക്കൾക്ക് ആവശ്യമായ എല്ലാ സഹായവും നൽകുമെന്നാണ് വിമാന നിർമാതാക്കളായ ബോയിങിന്റെ പ്രതികരണം.

ലൂയിസ്വില്ലെ നഗരം യുപിഎസ് കമ്പനിയുമായി വളരെയേറെ ആഴത്തിൽ ബന്ധപ്പെട്ട് കിടക്കുന്നതാണ്. പ്രദേശവാസികളായ ഭൂരിഭാഗം കുടുംബങ്ങളിൽ നിന്നുള്ളവരും യുപിഎസ് കമ്പനിയിൽ ജോലി ചെയ്യുന്നുണ്ടെന്ന് മെട്രോ കൗൺസിൽവുമൺ ബെറ്റ്‌സി റുഹെ പ്രതികരിച്ചു. ഈ ദുരന്തം നഗരത്തെയാകെ ഞെട്ടിച്ചിരിക്കുകയാണ്.

വിമാനം തകരാനുള്ള കാരണം എന്തായിരിക്കാം? നിങ്ങളുടെ പ്രതികരണം എന്താണ്?

Article Summary: UPS cargo plane crash in Kentucky kills four, injures 11; rescue efforts ongoing.

#UPSCrash #Kentucky #Aviation #CargoPlane #Louisville #Disaster