ടെഹ്‌റാൻ: (KVARTHA) ഇറാന്റെ തന്ത്രപ്രധാന തുറമുഖമായ ബന്ദർ അബ്ബാസിൽ ഉണ്ടായ സ്ഫോടനത്തിൽ മരിച്ചവരുടെ എണ്ണം 18 ആയി ഉയർന്നു. ഏകദേശം 750 പേർക്ക് സ്ഫോടനത്തിൽ പരിക്കേറ്റതായാണ് റിപ്പോർട്ട്. തുറമുഖത്തിന്റെ ഒരു കിലോമീറ്റർ ചുറ്റളവിൽ വലിയ നാശനഷ്ടം സംഭവിച്ചിട്ടുണ്ട്. സംഭവത്തിൽ ഇറാൻ ഉന്നതതല അന്വേഷണം പ്രഖ്യാപിച്ചു.

ബന്ദർ അബ്ബാസ് തുറമുഖത്തിലെ ഷഹീദ് റജയി ഭാഗത്താണ് ശക്തമായ സ്ഫോടനം നടന്നത്. കണ്ടെയ്‌നർ ചരക്ക് നീക്കത്തിനുള്ള ഇറാനിലെ ഏറ്റവും വലിയ തുറമുഖമാണിത്. ഇറാൻ പ്രസിഡന്റാണ് സംഭവത്തിൽ ഉന്നതതല അന്വേഷണത്തിന് ഉത്തരവിട്ടത്.

സ്ഫോടനത്തെ തുടർന്ന് ബന്ദർ അബ്ബാസ് തുറമുഖത്തിന്റെ പ്രവർത്തനം നിർത്തിവച്ചിരിക്കുകയാണ്. സ്ഫോടനത്തിൽ പ്രദേശത്തെ നിരവധി കെട്ടിടങ്ങൾക്കും കാര്യമായ നാശനഷ്ടം സംഭവിച്ചു. വലിയൊരു പ്രദേശം മുഴുവൻ ഗ്ലാസ് ചില്ലുകളും മനുഷ്യശരീര അവശിഷ്ടങ്ങളും ചിതറിക്കിടക്കുകയാണെന്ന് റിപ്പോർട്ടുകൾ സൂചിപ്പിക്കുന്നു. പരിക്കേറ്റവരുടെ രക്ഷാപ്രവർത്തനം ഏറെക്കുറെ പൂർത്തിയായതായും അവരെ ആശുപത്രികളിലേക്ക് മാറ്റിയതായും വിവരമുണ്ട്.

സ്ഫോടനത്തിന് ശേഷം വ്യാപിക്കുന്ന തീ നിയന്ത്രണവിധേയമാക്കാനുള്ള ശ്രമങ്ങൾ നടക്കുന്നുണ്ടെന്ന് പ്രസിഡന്റ് അറിയിച്ചു. നിരവധി പേർ പരിക്കേറ്റ് ആശുപത്രികളിൽ ചികിത്സയിലാണ്. അതിനാൽ മരണസംഖ്യ ഉയർന്നേക്കാമെന്ന ആശങ്കയുണ്ട്. സ്ഫോടനത്തിന്റെ യഥാർത്ഥ കാരണം വ്യക്തമായിട്ടില്ല. കണ്ടെയ്‌നറുകൾക്കുള്ളിൽ രാസവസ്തുക്കൾ ഉണ്ടായിരുന്നതാണ് സ്ഫോടനത്തിന് കാരണമെന്ന പ്രാഥമിക നിഗമനത്തിലാണ് അധികൃതരെന്ന് ഇറാൻ വക്താവ് ഹൊസൈൻ സഫാരി വാർത്താ ഏജൻസിയോട് പറഞ്ഞു. എന്നാൽ യഥാർത്ഥ കാരണം ഉറപ്പിച്ചിട്ടില്ലെന്നും അദ്ദേഹം കൂട്ടിച്ചേർത്തു. ഇതിനിടെ ഇന്ധന ടാങ്കർ പൊട്ടിത്തെറിച്ചതാകാം എന്ന റിപ്പോർട്ടുകളും പുറത്തുവരുന്നുണ്ട്.

ഈ ദുരന്ത വാർത്തയെക്കുറിച്ച് നിങ്ങളുടെ അഭിപ്രായങ്ങൾ രേഖപ്പെടുത്തുക. ഷെയർ ചെയ്യൂ. ചർച്ചകൾക്കായി കമന്റ് ബോക്സ് ഉപയോഗിക്കാം.

Massive explosion at Iran's key Bandar Abbas port resulted in 17 deaths and over 750 injuries, causing extensive damage. A high-level investigation has been launched, with initial reports suggesting chemical substances in containers as a possible cause.

#IranExplosion, #BandarAbbas, #PortBlast, #MiddleEastNews, #Tragedy, #Investigation