ഫേസ്ബുക്ക് ബൈബിളിനെയും തോല്‍പിച്ചു

ന്യൂയോര്‍ക്ക്: ലോകമെമ്പാടുമുളള മനുഷ്യരുടെ നിത്യജീവിതത്തിന്റെ ഭാഗമായി മാറിയ ഫേസ്ബുക്ക് ബൈബിളിനെയും തോല്‍പിച്ചു. അമേരിക്കയില്‍ ദിവസവും ബൈബിള്‍ നോക്കുന്നവരെക്കാള്‍ കൂടുതല്‍ പേര്‍ ഫേസ്ബുക്ക് നോക്കുന്നുണ്ടെന്നാണ് പുതിയ സര്‍വ്വേ ഫലം.

ഫേസ്ബുക്കിലെ ആകെ അംഗങ്ങളുടെ 19 ശതമാനവും വരുന്നത് അമേരിക്കയില്‍ നിന്നാണ് എന്നതിനാലാണ് അമേരിക്കയില്‍ ഈ പഠനം നടത്തിയത്. സിബിസി ടെലിവിഷന്‍ നടത്തിയ സര്‍വേയനുസരിച്ച് നാല്‍പത് ദശലക്ഷംപേരാണ് അമേരിക്കയിലും കാനഡയിലുമായി ബൈബിള്‍ വായിക്കുന്നത്. ഇതില്‍ കൂടുതല്‍ പേര്‍ ഫേസ്ബുക്ക് ഉപയോഗിക്കുന്നു എന്നാണ് ഫേസ്ബക്കിന്റെ കണക്കുകള്‍ പറയുന്നത്.

240 ദശലക്ഷത്തിന് അടുത്താണ് അമേരിക്കയിലെ ഫേസ്ബുക്ക് അംഗങ്ങളുടെ എണ്ണം. ഇതില്‍ 42 ശതമാനം ദിവസവും ഫേസ്ബുക്ക് നോക്കുന്നുണ്ട്. ഫേസ്ബുക്കില്‍ ഒരോ നാലുമാസത്തിലും വരുന്ന ഹിറ്റ് എല്ലാ ഭൂഖണ്ഡങ്ങളിലേയും ജനസംഖ്യയെക്കാള്‍ അധികമാണെന്നാണ് റിപ്പോര്‍ട്ട്.

SUMMARY: Of course, there are probably plenty of people who read both Facebook AND the Bible each day, and those people are probably the ones sharing biblical quotes in your newsfeed all the time.

Keywords: Facebook, Bible, US,