Tibet Avalanche | ടിബറ്റിന്റെ തെക്കന്‍ മേഖലകളിലുണ്ടായ ഹിമപാതത്തില്‍ 8 മരണം; ചൈനീസ് സര്‍കാര്‍ രക്ഷാ പ്രവര്‍ത്തക സംഘത്തെ ദുരന്ത ബാധിത പ്രദേശത്തേക്ക് അയച്ചു
Jan 19, 2023, 12:34 IST
ADVERTISEMENT
ബെയ്ജിങ്: (www.kvartha.com) ടിബറ്റിന്റെ തെക്കന്‍ മേഖലകളിലുണ്ടായ ഹിമപാതത്തില്‍ എട്ട് പേര്‍ മരിച്ചതായി മരണം. പ്രാദേശിക സമയം ചൊവ്വാഴ്ച രാത്രി എട്ട് മണിയോടെ ടിബറ്റിലെ നയിങ്ക്ഷി പട്ടണത്തിലാണ് അപകടം സംഭവിച്ചത്. മെയ്ന്‍ലിങ് കൗണ്ടിയിലെ പെയ് ഗ്രാമത്തിനും മെഡോങ് കൗണ്ടിയിലെ ദോസോങ് ലാ ടണലിന്റെ അവസാന ഭാഗത്തിനും ഇടയിലാണ് ഹിമപാതമുണ്ടായതെന്ന് റിപോര്‍ടുകള്‍ വ്യക്തമാക്കുന്നു.
അപകടത്തില്‍ മരിച്ചവരുടെ മൃതദേഹങ്ങളും കാണാതായവരെയും കണ്ടെത്താനും സഹായങ്ങള്‍ ലഭ്യമാക്കാനും ചൈനീസ് സര്‍കാര്‍ രക്ഷാ പ്രവര്‍ത്തക സംഘത്തെ ദുരന്ത ബാധിത പ്രദേശത്തേക്ക് അയച്ചിട്ടുണ്ട്. വാഹനങ്ങളില യാത്ര ചെയ്യുകയായിരുന്നവര്‍ വഴിയില്‍ കുടുങ്ങിക്കിടക്കുന്നതായാണ് വിവരം.
അതേസമയം എത്രപേരെ കാണാതായിട്ടുണ്ട് തുടങ്ങിയ വിവരങ്ങളൊന്നും ഔദ്യോഗികമായി പുറത്തുവിട്ടിട്ടില്ല. ചൈനയുടെ അടിയന്തര പ്രതികരണ സേനയും രക്ഷാ സംഘങ്ങളെ അയച്ചതായി സര്‍കാര്‍ വൃത്തങ്ങള്‍ അറിയിച്ചതായി റിപോര്‍ടുകള്‍ പറയുന്നു.
Keywords: News, World, Goverment, Death, Accident, Missing, 8 Killed In Tibet Avalanche, China sends Team For Rescue.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
