ലൂസിയാന: (KVARTHA) ലൂസിയാന, മിസിസിപ്പി (Louisiana, Mississippi) മേഖലകളില്‍ ശക്തമായ മഴയോടുകൂടിയ ചുഴലിക്കാറ്റ് (ഫ്രാന്‍സീന്‍ Francine) വീശി. കാറ്റഗറി രണ്ടിലേക്ക് ഉയര്‍ന്ന ഈ ചുഴലിക്കാറ്റ് മണിക്കൂറില്‍ 160 കിലോമീറ്റര്‍ വേഗത്തില്‍ കാറ്റ് വീശുന്നു. കാറ്റും കനത്ത മഴയും കാരണം പലയിടങ്ങളിലും വെള്ളപ്പൊക്കം (Flood) ഉണ്ടായതായി റിപ്പോര്‍ട്ടുകള്‍ വരുന്നു.

ലൂസിയാനയിലെ തെക്കന്‍ പ്രദേശമായ ടെറെബോണ്‍ പാരിഷിലാണ് ഫ്രാന്‍സീന്‍ ആദ്യം ആഞ്ഞടിച്ചത്. ഈ വര്‍ഷം അമേരിക്കയില്‍ വീശിയടിച്ച മൂന്നാമത്തെ ചുഴലിക്കാറ്റാണിത്. ബുധനാഴ്ച രാത്രി ലൂസിയാനയുടെ തീരപ്രദേശത്തേക്ക് നീങ്ങിയപ്പോഴാണ് ഫ്രാന്‍സീന്‍ കൂടുതല്‍ ശക്തി പ്രാപിച്ചത്.

2021-ലെ ഇഡ ചുഴലിക്കാറ്റിനു ശേഷം ഇത്തരം പ്രകൃതി ദുരന്തങ്ങള്‍ ആവര്‍ത്തിക്കാതിരിക്കാന്‍ ലൂസിയാന സര്‍ക്കാര്‍ നിരവധി സുരക്ഷാ നടപടികള്‍ സ്വീകരിച്ചിരുന്നു. സൗരോര്‍ജത്താല്‍ പ്രവര്‍ത്തിക്കുന്ന 'കമ്യൂണിറ്റി ലൈറ്റ്ഹൗസുകള്‍' പോലുള്ള സൗകര്യങ്ങള്‍ ഇതില്‍ ഉള്‍പ്പെടുന്നു. കമ്യൂണിറ്റി ലൈറ്റ്ഹൗസുകളില്‍ ഇലക്ട്രോണിക് ഉപകരണങ്ങള്‍ ചാര്‍ജ് ചെയ്യാനും മരുന്നുകള്‍ സൂക്ഷിക്കാനും ആളുകള്‍ക്ക് ഇടം നല്‍കും. 

അധികൃതര്‍ മേഖലയിലെ ജനങ്ങളോട് ജാഗ്രത പാലിക്കാന്‍ നിര്‍ദ്ദേശിച്ചിട്ടുണ്ട്. പലയിടത്തും വളരെ അപകടകരമായ വെള്ളപ്പൊക്കം ഉണ്ടാകാനുള്ള സാധ്യത കണക്കിലെടുത്ത് സുരക്ഷിതമായ സ്ഥലങ്ങളിലേക്ക് മാറാന്‍ നിര്‍ദ്ദേശിച്ചിട്ടുണ്ട്. രാത്രിയിലെ വെള്ളപ്പൊക്കം അത്യന്തം അപകടകരമാണെന്നും വൈകുന്നേരത്തോടെ വെള്ളം കയറിയ റോഡുകളില്‍ നിന്ന് ഡ്രൈവര്‍മാരെ രക്ഷിക്കാന്‍ ഇതിനകം നിരവധി പ്രവര്‍ത്തനങ്ങള്‍ നടന്നിട്ടുണ്ടെന്നും അധികൃതര്‍ പറഞ്ഞു. ഇത്തരം സാഹചര്യങ്ങളില്‍ വാഹനമോടിക്കാന്‍ ശ്രമിക്കരുതെന്നും മുന്നറിയിപ്പ് നല്‍കി. വെള്ളപ്പൊക്കത്തിന്റെ ചിത്രങ്ങളും വീഡിയോകളും സമൂഹമാധ്യമങ്ങളില്‍ പ്രചരിക്കുന്നുണ്ട്.

#HurricaneFrancine #Louisiana #floods #naturaldisaster #climatechange #emergencyresponse

Our multi-sensor precipitation estimation is showing 4 to 9 inches of rain had already fallen from #Francine over a very broad area of southeastern Louisiana between 9am and 9pm CDT today. This is an extremely dangerous flash flood situation for many. Do not attempt to drive in… pic.twitter.com/BlW1SigZBu

— National Weather Service (@NWS) September 12, 2024