മഹാരാഷ്ട്രയിലെ പേമാരിയില് മരണസംഖ്യ ഉയരുന്നു; മുംബൈയില് മരണം 136 ആയി, നിരവധി പേരെ മാറ്റിപാര്പ്പിച്ചു
Jul 24, 2021, 12:25 IST
ADVERTISEMENT
മുംബൈ: (www.kvartha.com 24.07.2021) മുംബെയിലും അയല്ജില്ലകളിലും നാശം വിതച്ച് കനത്ത മഴ. ഇതുവരെയും 136 പേരുടെ മരണം സ്ഥിരീകരിച്ച മെട്രോപോളിറ്റന് നഗരത്തില് ആള്നാശം കൂടുമെന്ന ആശങ്കയിലാണ്. കഴിഞ്ഞ ദിവസം തീരദേശമായ റായ്ഗഡിലുണ്ടായ മണ്ണിടിച്ചിലില് മാത്രം 36 പേര് മരിച്ചിരുന്നു. 50 ഓളം പേര്ക്കായി തിരച്ചില് തുടരുകയാണ്. 32 വീടുകളാണ് ഇവിടെ മണ്ണിനടിയിലായത്. കൊങ്കണ് മേഖലയിലെ ഏഴു ജില്ലകളില് കനത്ത മഴയെ തുടര്ന്നുണ്ടായ മണ്ണിടിച്ചിലും പ്രളയവും മൂലം ആയിരങ്ങളെ മാറ്റിപാര്പ്പിച്ചു.
മഹാരാഷ്ട്രയുടെ പടിഞ്ഞാറന് മേഖലയിലെ സത്താറയില് പ്രളയം നിരവധി ജീവനെടുത്തിട്ടുണ്ട്. ഇവിടെ മാത്രം 27 പേരുടെ മരണം സ്ഥിരീകരിച്ചതായി പൊലീസ് അറിയിച്ചു. കൊല്ഹാപൂരില് മാത്രം 40,000 ലേറെ പേരെ മാറ്റിപാര്പ്പിച്ചു.
Keywords: Mumbai, News, National, Rain, Death, Maharashtra, Flood, Maharashtra rains: Landslides, monsoon flooding kill over 100
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
