ശ്രീനഗർ: (KVARTHA) ജമ്മു കശ്മീരിലെ റാംബൻ ജില്ലയിലെ സേറി ബഗ്നയിൽ മേഘവിസ്ഫോടനത്തെ തുടർന്നുണ്ടായ അപകടത്തിൽ മൂന്നു പേർ മരിച്ചു. ഒരാളെ കാണാതായി. സംസ്ഥാനത്തിൻ്റെ വിവിധ ഭാഗങ്ങളിൽ മിന്നൽ പ്രളയവും മണ്ണിടിച്ചിലുമുണ്ടായി. ഇത് നിരവധി വീടുകൾക്കും കെട്ടിടങ്ങൾക്കും നാശനഷ്ടം വരുത്തി. ദേശീയപാതയിലടക്കം ഗതാഗത തടസ്സമുണ്ടായി. അഞ്ഞൂറോളം ആളുകളെ സുരക്ഷിത സ്ഥാനങ്ങളിലേക്ക് മാറ്റിപ്പാർപ്പിച്ചു.

Severe hailstorm and landslides struck Ramban, Jammu and Kashmir, causing three deaths and damage to property.

The National Highway in Ramban remains blocked due to the landslides, where mudslides and heavy rainfall disrupted the vital 270-km road connecting Kashmir to the… pic.twitter.com/CFMZiHOe1M

— Ieshan Wani (@Ieshan_W) April 20, 2025

റാംബൻ ജില്ലയിൽ പേമാരിയും ശക്തമായ കാറ്റും ആലിപ്പഴ വർഷവുമുണ്ടായി. ചെനാബ് നദി കരകവിഞ്ഞൊഴുകി. ഞായറാഴ്ച പുലർച്ചെ 1.10 ഓടെ തുടങ്ങിയ കനത്ത മഴ ഇപ്പോഴും തുടരുകയാണെന്ന് റാംബൻ ഡെപ്യൂട്ടി കമ്മീഷണർ ബസീർ ഉൽ ഹഖ് അറിയിച്ചു. രക്ഷാപ്രവർത്തനം പുരോഗമിക്കുകയാണ്. ഡെപ്യൂട്ടി കമ്മീഷണറുടെ ഓഫീസിൽ ഒരു കൺട്രോൾ റൂം സ്ഥാപിച്ചിട്ടുണ്ട്. ആളുകളെ സുരക്ഷിത സ്ഥാനങ്ങളിലേക്ക് മാറ്റുന്നതിനായി റവന്യൂ, പോലീസ് ടീമുകൾ തയ്യാറാണ്. ഈ പ്രദേശത്തേക്കുള്ള യാത്രകൾക്ക് നിയന്ത്രണമുണ്ട്.

ജമ്മു കശ്മീരിലെ ഈ ദുരന്തത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക. ഷെയർ ചെയ്യൂ.

Cloudburst in the Seri Bagna area of Ramban district in Jammu and Kashmir has resulted in three deaths and one missing person. Heavy rains caused flash floods and landslides, damaging homes and disrupting traffic on the national highway. Around 500 people have been evacuated to safer locations, and rescue operations are ongoing.

#JammuKashmir, #Cloudburst, #Ramban, #FlashFloods, #Landslide, #NaturalDisaster