കനത്ത മഴ തുടരുന്നു: ബാണാസുര സാഗര് ഡാമിന്റെ ഷട്ടറുകള് തുറക്കും, പ്രദേശവാസികള് ജാഗ്രത പാലിക്കാന് നിര്ദേശം
Sep 20, 2020, 13:08 IST
ADVERTISEMENT
കല്പ്പറ്റ: (www.kvartha.com 20.09.2020) കനത്ത മഴ തുടരുന്ന സാഹചര്യത്തില് ബാണാസുര സാഗര് ഡാമിന്റെ ഷട്ടറുകള് ഞായറാഴ്ച വൈകുന്നേരം മൂന്ന് മണിക്ക് തുറക്കും. ഡാമിലെ ഇപ്പോഴത്തെ ജലനിരപ്പ് 774.80 മീറ്ററാണ്. അപ്പര് റൂള് ലെവല് 775.00 മീറ്റര് ആയതിനാല് സ്പില്വെ ഷട്ടറുകള് തുറന്ന് സെക്കന്റില് 8.5 ക്യൂബിക് മീറ്റര് മുതല് ഘട്ടംഘട്ടമായി സെക്കന്റില് 50 ക്യൂബിക് മീറ്റര് വരെ വെള്ളം കരമാന്തോടിലേക്ക് തുറന്ന് വിടും.
ഷട്ടര് തുറക്കുന്നതിന് മുമ്പ് മൂന്ന് തവണ മൂന്ന് മിനിറ്റ് ഇടവിട്ട് സൈറണ് മുഴക്കും. എന്നാല് ഏതെങ്കിലും സാഹചര്യത്തില് സൈറണ് പ്രവര്ത്തിക്കാതെ വന്നാല് പോലും ഷട്ടര് ഉയര്ത്തുമെന്ന് അധികൃതര് അറിയിച്ചു. കരമാന്തോടിന്റെ ഇരുകരകളിലും താമസിക്കുന്നവര് ജാഗ്രത പാലിക്കണമെന്നും ഒരു കാരണവശാലും പുഴയിലേക്ക് ഇറങ്ങരുതെന്നും അധികൃതര് മുന്നറിയിപ്പ് നല്കി.
Keywords: News, Kerala, Rain, Dam, River, Banasura Sagar Dam, Open, Heavy Rain: Shutters of the Banasura Sagar Dam will be opened
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
