ശക്തമായ കാറ്റിനും മോശം കാലാവസ്ഥയ്ക്കും സാധ്യത; കേരള-ലക്ഷദ്വീപ് തീരങ്ങളില് മീന്പിടിത്തത്തിന് പോകരുതെന്ന് നിര്ദേശം
Oct 21, 2021, 11:48 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com 21.10.2021) ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്ന മുന്നറിയിപ്പിന്റെ പശ്ചാത്തലത്തില് കേരള-ലക്ഷദ്വീപ് തീരങ്ങളില് മീന്പിടിത്തത്തിന് പോകരുതെന്ന് നിര്ദേശം. വ്യാഴാഴ്ച സംസ്ഥാനത്ത് അതിശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥാ വകുപ്പിന്റെ മുന്നറിയിപ്പ്.
മൂന്ന് ജില്ലകളില് ഓറന്ജ് അലേര്ടും അഞ്ച് ജില്ലകളില് യെലോ അലേര്ടും പ്രഖ്യാപിച്ചു. പത്തനംതിട്ട, ഇടുക്കി, കോട്ടയം ജില്ലകളില് ഓറന്ജ് അലേര്ടും തിരുവനന്തപുരം, കൊല്ലം, എറണാകുളം, തൃശൂര്, മലപ്പുറം ജില്ലകളില് യെലോ അലേര്ടുമാണ് പ്രഖ്യാപിച്ചിരിക്കുന്നത്. ഇടിമിന്നലിനും മണിക്കൂറില് 50 കിലോമീറ്റര് വരെ വേഗത്തില് കാറ്റിനും സാധ്യതയുള്ളതിനാല് ജനം ജാഗ്രത പാലിക്കണമെന്നും കേന്ദ്രകാലാവസ്ഥാ കേന്ദ്രം മുന്നറിയിപ്പ് നല്കുന്നു.
തെക്കന് തമിഴ്നാടിന് സമീപം ചക്രവാതച്ചുഴി രൂപപ്പെട്ടതാണ് ശക്തമായ മഴയ്ക്ക് കാരണം. മലയോര മേഖലകളിലും ദുരന്ത സാധ്യതാ മേഖലകളിലും അതീവ ജാഗ്രതാ നിര്ദേശമുണ്ട്. അതേസമയം, സംസ്ഥാനത്തെ മലയോര മേഖലയില് ശക്തമായ മഴ തുടരുകയാണ്. എറണാകുളം, തൃശൂര്, പാലക്കാട്, വയനാട്, മലപ്പുറം ജില്ലകളില് മഴയുണ്ട്. എറണാകുളം കടവൂര്, നേര്യമംഗലം വില്ലേജുകളില് ആര്ആര്ടി സംഘത്തെ നിയോഗിച്ചു.
Keywords: Thiruvananthapuram, News, Kerala, Rain, Fishermen, Fishing, Chance of strong winds and bad weather; Not to go fishing in Kerala-Lakshadweep coast
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
