Alert | വയനാട്ടിൽ ഉരുള്പൊട്ടല് സാധ്യതാ പ്രദേശങ്ങളില് നിന്നും മാറിത്താമസിക്കണം; ജനങ്ങൾക്ക് നിർദേശവുമായി കലക്ടർ
കുറുമ്പാലക്കോട്ട, ലക്കിടി മണിക്കുന്നു മല, മുട്ടില് കോല്പ്പാറ കോളനി,കാപ്പിക്കളീ, സുഗന്ധഗിരി, പൊഴുതന പ്രദേശങ്ങളില് അതീവ ജാഗ്രത പുലര്ത്തണം.
കൽപറ്റ: (KVARTHA) വയനാട് ജില്ലയില് അതിതീവ്ര മഴ പെയ്യുന്ന സാഹചര്യത്തില് ഉരുള്പൊട്ടല് സാധ്യതാ പ്രദേശങ്ങളിലും മുന് വര്ഷങ്ങളില് ഉരുള്പൊട്ടിയ പ്രദേശങ്ങളിലുമുള്ളവര് ജാഗ്രത പുലര്ത്തണമെന്ന് ജില്ലാ കളക്ടര് ഡി ആര് മേഘശ്രീ അറിയിച്ചു.
കുറുമ്പാലക്കോട്ട, ലക്കിടി മണിക്കുന്നു മല, മുട്ടില് കോല്പ്പാറ കോളനി,കാപ്പിക്കളീ, സുഗന്ധഗിരി, പൊഴുതന പ്രദേശങ്ങളില് അതീവ ജാഗ്രത പുലര്ത്തണം.
അപകട ഭീഷണി നില നില്ക്കുന്നതിനാല് ക്യാമ്പിലേക്ക് മാറാന് ആവശ്യപ്പെട്ടിട്ടുള്ളവര് എത്രയും വേഗം താമസസ്ഥലത്തു നിന്നും ക്യാമ്പുകളിലേക്ക് മാറണമെന്നും കളക്ടര് അറിയിച്ചു. തദ്ദേശ സ്ഥാപന സെക്രട്ടറിമാരും വില്ലേജ് ഓഫീസര്മാരും വേണ്ട നടപടികള് സ്വീകരിക്കണം.
