ടി20 ലോകകപ്: തോല്വിക്ക് പിന്നലെ ഇന്ഡ്യന് ക്യാമ്പില് ആശങ്ക; ഹര്ദിക് പാണ്ഡ്യയ്ക്ക് പരിക്ക്
Oct 25, 2021, 13:09 IST
ADVERTISEMENT
ദുബൈ: (www.kvartha.com 25.10.2021) ടി20 ലോകകപില് പാകിസ്താനുമായുള്ള മത്സരത്തിലെ പരാജയത്തിനു പിന്നാലെ ഇന്ഡ്യന് ക്യാമ്പില് ആശങ്കയായി ഓള്റൗൻഡെർ ഹര്ദിക് പാണ്ഡ്യയുടെ പരിക്ക്.
ബാറ്റിംഗിനിടെ പരിക്കേറ്റ താരത്തിനെ സ്കാനിംഗിന് വിധേയനാക്കി. ശഹീന് അഫ്രീദിയുടെ പന്ത് തോളില് തട്ടിയതാണ് പരിക്കിന് കാരണം. പാകിസ്താനുമായുള്ള മത്സരത്തില് താരത്തിന് 11 റണ്സ് മാത്രമാണ് എടുക്കാന് സാധിച്ചത്. ഇഷാന് കിഷനാണ് ഹാര്ദികിനു പകരം ഫീല്ഡ് ചെയ്യാന് ഇറങ്ങിയത്.
ഹര്ദിക് പാണ്ഡ്യയുടെ ഫിറ്റ്നസിനെ കുറിച്ച് ലോകകപ് തുടങ്ങുന്നതിന് മുമ്പേ തന്നെ വലിയ ചർച വിഷയമായിരുന്നു. പുറംവേദനയെ തുടര്ന്ന് നടത്തിയ ശസ്ത്രക്രിയക്ക് ശേഷം താരത്തിന് ഫോം കണ്ടെത്തനായിട്ടില്ല. ലോകകപിന് മുമ്പ് നടന്ന ഐപിഎല് മത്സരങ്ങളില് താരം ഒരു പന്ത് പോലും എറിഞ്ഞിരുന്നില്ല. നിലവില് സ്പെഷ്യലിസ്റ്റ് ബാറ്ററായാണ് പാണ്ഡ്യ ഇന്ഡ്യന് ടീമില് കളിക്കുന്നത്.
താരം ലോകകപിന്റെ ഏതെങ്കിലും ഒരു ഘട്ടത്തില് രണ്ട് ഓവറെങ്കിലും പന്തെറിയാവുന്ന നിലയിലേക്ക് അദ്ദേഹത്തിന്റെ ആരോഗ്യം മെച്ചപ്പെടുന്നതായി ഇന്ഡ്യന് നായകന് വിരാട് കോഹ്ലി പാകിസ്താനുമായുള്ള മത്സരത്തിന് മുമ്പ് പറഞ്ഞിരുന്നു. 'ഒരു രാത്രിയില് പെട്ടെന്ന് സൃഷ്ടിക്കാന് കഴിയാത്ത ആറാം നമ്പറാണ് പാണ്ഡ്യ ഇപ്പോള് കൈകാര്യം ചെയ്യുന്നത്. ആ ബാറ്റിംഗ് പൊസിഷന് ടി20യില് പോലൊരു മത്സരങ്ങളില് വളരെ നിര്ണായകമാണ്' കോഹ്ലി കൂട്ടിച്ചേര്ത്തു.
Keywords: Cricket, Sports, Indian Team, Dubai, Pakistan, World Cup, IPL, Health & Fitness, Virat Kohli, T20 World Cup: Hardik Pandya injures shoulder while batting, sent for precautionary scans.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
