ദുബൈ: (KVARTHA) ഗൾഫ് രാജ്യങ്ങളിൽ ഇറാൻ നടത്തുന്ന ആക്രമണങ്ങളുടെ ദുരിതമനുഭവിച്ച് രാജ്യാന്തര കായിക താരങ്ങളും. ഇന്ത്യൻ ബാഡ്‌മിന്റൻ താരം പി.വി സിന്ധു ദുബൈയിൽ കുടുങ്ങി. ഇറാൻ ആക്രമണത്തിനു പിന്നാലെ യു.എ.ഇയിൽനിന്നുള്ള വിമാനസർവീസുകളെല്ലാം റദ്ദാക്കിയിരുന്നു. ഇതോടെയാണ് സിന്ധു ദുബൈ വിമാനത്താവളത്തിൽ കുടുങ്ങിയത്. തൊട്ടടുത്ത് സ്ഫോടന ശബ്ദം കേട്ടതായി ഞായറാഴ്ച (01.03.2026) സിന്ധു വെളിപ്പെടുത്തി. ഓൾ ഇംഗ്ലണ്ട് ഓപ്പൺ ബാഡ്‌മിൻ്റനിൽ പങ്കെടുക്കാനുള്ള യാത്രയ്ക്കിടെയാണ് സിന്ധു ദുബൈയിൽ പെട്ടുപോയത്.

The ordeal continues to unfold, and the situation is becoming more frightening by the hour.

A few hours ago, there was an explosion close to where we were holed up at the airport. My coach had to quickly run out of the area as he was closest to the smoke and debris. It was an… https://t.co/ZdNtuALk0P

— Pvsindhu (@Pvsindhu1) March 1, 2026

ജീവൻ രക്ഷിക്കാൻ ഓടി പരിശീലകൻ

'വളരെ ഭയപ്പെടുത്തുന്ന നിമിഷമായിരുന്നു അത്. വിമാനത്താവളത്തിൽ ഞങ്ങൾ നിന്നിരുന്ന സ്‌ഥലത്തിന് അടുത്താണ് സ്ഫോടനങ്ങൾ സംഭവിച്ചത്. എന്റെ പരിശീലകൻ പുകയിലും സ്ഫോടനത്തെ തുടർന്നുണ്ടായ അവശിഷ്ടങ്ങളിലും പെട്ടുപോയി. രക്ഷപ്പെടാനായി അദ്ദേഹം ഓടി. ഞങ്ങൾ ഇപ്പോൾ കൂടുതൽ സുരക്ഷിതമായ മറ്റൊരു സ്‌ഥലത്തേക്കു മാറിയിട്ടുണ്ട്. സാഹചര്യം ശാന്തമാകുമെന്നാണു പ്രതീക്ഷിക്കുന്നത്'- സിന്ധു എക്സ‌് പ്ലാറ്റ്ഫോമിൽ കുറിച്ചു.

It’s hard to process what’s unfolding right now. Hearing the interceptions overhead and seeing how quickly everything has escalated is honestly terrifying. So many disturbing videos are coming to light, and this is sadly the reality of what is happening. Dubai is a city I deeply…

— Pvsindhu (@Pvsindhu1) February 28, 2026

ജിദ്ദയിൽ കുടുങ്ങി മുഷ്ഫിഖർ റഹീമും

ബംഗ്ലാദേശിന്റെ വെറ്ററൻ താരം മുഷ്ഫിഖർ റഹീം സൗദി അറേബ്യയിലെ ജിദ്ദയിൽ കുടുങ്ങി. ഉംറ കഴിഞ്ഞ് മടങ്ങാനുള്ള ഒരുക്കത്തിനിടെയാണ് സൗദി അറേബ്യയിൽനിന്നുള്ള വിമാന സർവീസുകൾ അപ്രതീക്ഷിതമായി റദ്ദാക്കിയത്. ദുബൈ വഴി ബംഗ്ലാദേശിലേക്കു പോകാനായിരുന്നു മുഷ്‌ഫിഖറിൻ്റെ തീരുമാനം. എന്നാൽ പശ്ചിമേഷ്യയിൽ ആക്രമണമുണ്ടായതോടെ താനടക്കം ആയിരക്കണക്കിന് ആളുകൾ ജിദ്ദ വിമാനത്താവളത്തിൽ കുടുങ്ങിയിരിക്കുകയാണെന്ന് മുഷ്‌ഫിഖർ പ്രതികരിച്ചു.

കായിക താരങ്ങളുടെ സാമൂഹിക മാധ്യമങ്ങളിലെ പ്രതികരണങ്ങളെ അടിസ്ഥാനപ്പെടുത്തിയുള്ള ഈ വാർത്ത ഷെയർ ചെയ്ത് നിങ്ങളുടെ അഭിപ്രായം പങ്കുവെക്കൂ. അന്താരാഷ്ട്ര വാർത്തകളും ഗൾഫിലെ ഏറ്റവും പുതിയ വിവരങ്ങളും അപ്പപ്പോൾ അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യൂ.

Article Summary: Indian badminton player PV Sindhu is stuck in Dubai following the suspension of flights amid the Middle East conflict, revealing that explosions occurred very close to her at the airport.

#PVSindhu #Dubai #MiddleEastConflict #SportsNews #MushfiqurRahim #Updates