യൂറോ കപ്പ്: ഉല്‍ഘാടന മല്‍സരം സമനിലയില്‍

ആദ്യപകുതിയില്‍ പോളണ്ട് മുന്നേറുമ്പോള്‍ പ്രതിരോധത്തിലായിരുന്നു ഗ്രീസ്. മാച്ചിന്റെ ആദ്യപകുതി തീരും മുമ്പേതന്നെ രണ്ട് മഞ്ഞകാര്‍ഡുകള്‍ കണ്ട് ഗ്രീക്ക് താരം പാപസ്തതോ പൌലോസ് കളം കാലിയാക്കി. രണ്ടാം പകുതിയില്‍ പത്തുപേരുമായായിരുന്നു ഗ്രീസിന്റെ കളിയെങ്കിലും എതിരാളികളെ വരിഞ്ഞുകെട്ടി. പിന്നീട് കണ്ടത് ഗ്രീസിന്റെ തിരിച്ചുവരവായിരുന്നു.

വാസിലിസ് ടോറോസിഡിസിന്റെ ക്രോസില്‍ സാല്‍പിന്‍ഗിഡിസിന്റെ തലയില്‍ നിന്ന് പന്ത് വലയിലേക്ക്. സിനിമയിലെ സസ്പെന്‍സിനെ വെല്ലുന്ന നാടകീയ നിമിഷങ്ങളായിരുന്നു പിന്നീട്. 68ം മിനുറ്റില്‍ ഗ്രീക്ക് താരം സാല്‍പിന്‍ഗിഡിസിനെ ബോക്സില്‍ വീഴ്ത്തിയ പോളണ്ടിനുള്ള ശിക്ഷ കടുത്തതായിരുന്നു. ഗോളിക്ക് ചുവപ്പുകാര്‍ഡ്. ഒപ്പം സ്പോട് കിക്കും. പകരക്കാരനായി ഗോള്‍വല കാക്കാനെത്തിയ സെമിസ്ളാവിന്റെ ഉജ്ജ്വല പ്രകടനം.

പെനാല്‍റ്റി തുലച്ച ഗ്രീസ് കൈവെള്ളയിലെത്തിയ വിജയം കൈവിട്ടു. ഇരുടീമുകളും വിജയത്തിനായി നടത്തിയ മുന്നേറ്റങ്ങള്‍ക്കൊന്നും പിന്നീട് ഗോള്‍വല ചലിപ്പിക്കാനായില്ല. ഇരുടീമുകളും പത്തായി ചുരുങ്ങിയ നാടകീയതയായിരുന്നു മുന്നേറ്റങ്ങളേക്കാള്‍ ഉല്‍ഘാടന മല്‍സരത്തെ ആവേശത്തിലാഴ്ത്തിയത്.
Warsaw: Poland and Greece played out a thrilling 1-1 draw that included two red cards and a penalty in the opening game of Euro 2012 at the National Stadium in Warsaw.