പൂനെ ഏകദിനം: ഇന്ത്യയ്ക്ക് 305 റണ്‍സ് വിജയലക്ഷ്യം

പൂനെ: ഓസ്‌ട്രേലിയക്കെതിരെ ഏകദിന പരമ്പരയിലെ ആദ്യമത്സരത്തില്‍ ഇന്ത്യയ്ക്ക് 305 റണ്‍സിന്റെ വിജയലക്ഷ്യം. മറുപടി ബാറ്റിംഗിറങ്ങിയ ഇന്ത്യ ഒടുവില്‍ വിവരം ലഭിക്കുമ്പോള്‍ രണ്ട് വിക്കറ്റ് നഷ്ടത്തില്‍ 66 റണ്‍സെന്ന നിലയിലാണ്. ഏഴ് റണ്‍സെടുത്ത ശിഖര്‍ ധവാന്റെയും 42 റണ്‍സെടുത്ത രോഹിത് ശര്‍മയുടെയും വിക്കറ്റുകളാണ് നഷ്ടമായത്. 16 റണ്‍സുമായി വീരാട് കോഹ്ലിയും സുരേഷ് റൈനയുമാണ് ക്രീസില്‍.
നേരത്തെ ടോസ് നേടിയ ഓസീസ് ബാറ്റിംഗ് തിരഞ്ഞെടുക്കുകയായിരുന്നു. അര്‍ധ സെഞ്ച്വറി നേടിയ ക്യാപ്റ്റന്‍ ജോര്‍ജ് ബെയ്‌ലി (85) യുടെയും ഓപണര്‍ ഫിഞ്ചിന്റെ (72)യും ഇന്നിംഗ്‌സിന്റെ പിന്‍ബലത്തിലാണ് ഓസീസ് എട്ട് വിക്കറ്റ് നഷ്ടത്തില്‍ 304 റണ്‍സെന്ന മികച്ച സ്‌കോര്‍ പടുത്തുയര്‍ത്തിയത്. 47 റണ്‍ലെടുത്ത ഫിലിപ്പ് ഹ്യൂസും, 37 റണ്‍സെടുത്ത മാക്‌സ്‌വെല്ലും ഓസീസ് നിരയില്‍ തിളങ്ങി.

ഇന്ത്യയ്ക്ക് വേണ്ടി അശ്വിന്‍, യുവരാജ് എന്നിവര്‍ രണ്ട് വിക്കറ്റ് വീതം വീഴ്ത്തി.