കണ്ണൂർ: (KVARTHA) തദ്ദേശ സ്വയംഭരണ സ്ഥാപനങ്ങളിലേക്കും നിയമസഭയിലേക്കും നടക്കാനിരിക്കുന്ന തെരഞ്ഞെടുപ്പുകളിൽ യുഡിഎഫ് സ്ഥാനാർത്ഥികളുടെ വിജയത്തിനായി വനിതകൾ സജീവമായി രംഗത്തിറങ്ങണമെന്ന് വനിതാ ലീഗ് സംസ്ഥാന പ്രസിഡന്റ് സുഹറ മമ്പാട് ആവശ്യപ്പെട്ടു.

തെരഞ്ഞെടുപ്പ് മുന്നൊരുക്കങ്ങളുടെ ഭാഗമായി വനിതാ ലീഗ് സംസ്ഥാന കമ്മിറ്റിയുടെ ആഭിമുഖ്യത്തിൽ സംഘടിപ്പിക്കുന്ന ‘എവെയ്ക്കനിഗ്’ സ്ത്രീ ശാക്തീകരണ പര്യടന പരിപാടിയുടെ സംസ്ഥാനതല ഉദ്ഘാടനം കണ്ണൂർ ബാഫഖി തങ്ങൾ സൗധത്തിൽ നിർവഹിച്ച് സംസാരിക്കുകയായിരുന്നു അവർ.

തദ്ദേശ സ്വയംഭരണ സ്ഥാപനങ്ങളിൽ അൻപത് ശതമാനത്തിലധികം വനിതാ സംവരണമുണ്ട്. അതിനാൽ തന്നെ, ഒരു പ്രദേശത്തിൻ്റെ ആവശ്യങ്ങളും ആശങ്കകളും ഏറ്റവും കൂടുതൽ മനസ്സിലാക്കാൻ സാധിക്കുന്നത് സ്ത്രീകൾക്കാണെന്ന് സുഹറ മമ്പാട് ചൂണ്ടിക്കാട്ടി. 

തെരഞ്ഞെടുപ്പ് മുന്നൊരുക്കമെന്ന നിലയിൽ ഓരോ പ്രദേശത്തെയും പ്രശ്നങ്ങളും പരാതികളും പരിഹരിക്കാൻ നിലവിലുള്ള കൗൺസിലർമാരും പഞ്ചായത്ത് മെമ്പർമാരും മുൻകൈയെടുക്കണം. വരാനിരിക്കുന്ന തെരഞ്ഞെടുപ്പിൽ യുഡിഎഫ് സ്ഥാനാർത്ഥികളുടെ വിജയത്തിന് മുൻഗണന നൽകണമെന്നും അവർ കൂട്ടിച്ചേർത്തു.

സംസ്ഥാന ജനറൽ സെക്രട്ടറി അഡ്വക്കേറ്റ് പി കുലുസു അധ്യക്ഷത വഹിച്ച ചടങ്ങിൽ മുസ്ലിം ലീഗ് ജില്ലാ പ്രസിഡന്റ് അഡ്വക്കേറ്റ് അബ്ദുൽ കരീം ചേലേരി മുഖ്യപ്രഭാഷണം നടത്തി. മുസ്ലിം ലീഗ് ജില്ലാ വൈസ് പ്രസിഡന്റ് കെ വി മുഹമ്മദലി ഹാജി, വനിതാ ലീഗ് സംസ്ഥാന സെക്രട്ടറി പി സാജിത ടീച്ചർ, റോഷ്നി ഖാലിദ്, സി സീനത്ത്, ഷമീമ ജമാൽ, സക്കീന തെക്കയിൽ, കെ പി റംലത്ത്, ഷെറിൻ ചൊക്ലി, സാജിത ഇസ്ഹാഖ്, എം കെ സബിത, എസ് പി സൈനബ തുടങ്ങിയവർ സംസാരിച്ചു.

ഈ വാർത്ത ഷെയർ ചെയ്യുക, നിങ്ങളുടെ അഭിപ്രായങ്ങൾ രേഖപ്പെടുത്തുക.

Women should actively participate in the upcoming local body and assembly elections to ensure the victory of UDF candidates, said Vanitha League State President Suhra Mampad in Kannur. She highlighted the importance of women's understanding of local issues.

#KeralaElections, #UDF, #WomenPower, #SuhraMampad, #VanithaLeague, #Kannur