വോട്ടർപട്ടികയിൽ ക്രമക്കേട്: തിരഞ്ഞെടുപ്പ് കമ്മീഷൻ സിപിഎമ്മിന് വേണ്ടി പ്രവർത്തിക്കുന്നുവെന്ന് വി ഡി സതീശൻ

കണ്ണൂർ: (KVARTHA) തദ്ദേശ സ്വയംഭരണ തിരഞ്ഞെടുപ്പിന്റെ മുന്നോടിയായി തിരഞ്ഞെടുപ്പ് കമ്മീഷൻ ഏകപക്ഷീയമായി സി.പി.എമ്മിന് വേണ്ടി പ്രവർത്തിക്കുകയാണെന്ന് പ്രതിപക്ഷ നേതാവ് വി.ഡി. സതീശൻ ആരോപിച്ചു. കണ്ണൂരിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം.

വോട്ടർപട്ടിക തയ്യാറാക്കിയത് കൃത്രിമമായാണെന്നും വോട്ടർ പട്ടികയിൽ പേര് ചേർക്കാൻ 30 ദിവസം സമയം അനുവദിക്കണമെന്നും സതീശൻ ആവശ്യപ്പെട്ടു. വെള്ളാപ്പള്ളിയുടെ പരാമർശത്തിലുള്ള സി.പി.എം പ്രസ്താവന ആകാശത്തേക്കുള്ള വെടിയാണെന്നും സതീശൻ കൂട്ടിച്ചേർത്തു.

ശശി തരൂർ വിഷയത്തിൽ 'നോ കമന്റ്‌സ്' എന്നായിരുന്നു വി.ഡി. സതീശന്റെ പ്രതികരണം. യൂത്ത് കോൺഗ്രസ് ആംബുലൻസ് തടഞ്ഞ് രോഗി മരിച്ചെന്ന സി.പി.എം വാർത്ത വ്യാജമാണെന്ന് സതീശൻ പറഞ്ഞു. 

രോഗിയുടെ ബന്ധുക്കൾ തന്നെ ഈ വാദം തള്ളിയിട്ടുണ്ട്. ആരോഗ്യ മന്ത്രി താൻ നേരിടുന്ന പ്രതിസന്ധിയിൽ നിന്ന് രക്ഷപ്പെടാനാണ് ഇതിനെ ന്യായീകരിക്കുന്നതെന്നും പ്രതിപക്ഷ നേതാവ് വി.ഡി. സതീശൻ കണ്ണൂരിൽ മാധ്യമങ്ങളോട് പറഞ്ഞു.

വോട്ടർപട്ടികയിലെ ക്രമക്കേടുകളെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: V.D. Satheesan alleged voter list irregularities, accusing EC of favoring CPI(M).

#VDSatheesan #KeralaPolitics #VoterList #ElectionCommission #CPM #YouthCongress