മഞ്ചേരി: (KVARTHA) വാരിയം കുന്നത്ത് കുഞ്ഞഹമ്മദ് ഹാജി എല്ലാ വിഭാഗീയരെയും ഒത്തുചേര്‍ത്ത് എല്ലാവരുടെയും സ്വാതന്ത്ര്യത്തിന് വേണ്ടിയാണ് പോരാടിയതെന്ന് മുതിര്‍ന്ന മാധ്യമ പ്രവര്‍ത്തകനും ഗ്രന്ഥകാരനുമായ ഹാരിസ് നിലമ്പൂര്‍ പറഞ്ഞു. ഇത് മുസ്ലിം വിഭാഗത്തിന് വേണ്ടി മാത്രമുള്ള പോരാട്ടമായിരുന്നില്ലെന്നും അദ്ദേഹം കൂട്ടിച്ചേര്‍ത്തു. മഞ്ചേരിയില്‍ എസ്ഡിപിഐ ജില്ലാ കമ്മിറ്റി സംഘടിപ്പിച്ച വാരിയംകുന്നന്‍ അനുസ്മരണ സമ്മേളനത്തില്‍ സംസാരിക്കുകയായിരുന്നു അദ്ദേഹം.

ദളിതരുടെയും പാവപ്പെട്ടവരുടെയും പ്രശ്‌നങ്ങളില്‍ ശ്രദ്ധ കേന്ദ്രീകരിച്ചാണ് വാരിയം കുന്നന്‍ പ്രക്ഷോഭങ്ങള്‍ക്ക് നേതൃത്വം നല്‍കിയത്. അദ്ദേഹത്തെ വര്‍ഗീയവാദിയായും തീവ്രവാദിയായും ചിത്രീകരിക്കുന്നവര്‍ ചരിത്രം ശരിയായി പഠിക്കണമെന്നും ഹാരിസ് നിലമ്പൂര്‍ അഭിപ്രായപ്പെട്ടു. കോണ്‍ഗ്രസ് ആശയങ്ങളില്‍ നിന്ന് പ്രചോദനം ഉള്‍ക്കൊണ്ടാണ് കുഞ്ഞഹമ്മദ് ഹാജി പൊതുരംഗത്തേക്ക് പ്രവേശിക്കുന്നത്. ബ്രിട്ടീഷുകാര്‍ ഇന്ത്യയില്‍ നേരിട്ട ഏറ്റവും വലിയ ജനകീയ പ്രക്ഷോഭങ്ങളില്‍ ഒന്നായിരുന്നു കുഞ്ഞഹമ്മദ് ഹാജിയുടെ നേതൃത്വത്തില്‍ നടന്ന മലബാര്‍ സമരം.

ബ്രിട്ടീഷുകാരും അവരെ പിന്തുണക്കുന്നവരുമാണ് കുഞ്ഞഹമ്മദ് ഹാജിക്കെതിരെ നിരന്തരം അപവാദ പ്രചാരണങ്ങള്‍ നടത്തിയിരുന്നത്. എന്നാല്‍ ആ കുപ്രചരണങ്ങള്‍ ഇപ്പോള്‍ ജനങ്ങള്‍ തിരിച്ചറിഞ്ഞിരിക്കുകയാണെന്നും അദ്ദേഹം കൂട്ടിച്ചേര്‍ത്തു. അനുസ്മരണ സമ്മേളനം എസ്ഡിപിഐ ജില്ലാ പ്രസിഡന്റ് അന്‍വര്‍ പഴഞ്ഞി ഉദ്ഘാടനം ചെയ്തു. അഡ്വ. സാദിഖ് നടുത്തൊടി, കെ.പി.ഒ. റഹ്‌മത്തുല്ല, കെ.കെ. മുഹമ്മദ് ബഷീര്‍, അബ്ദുല്ലത്തീഫ് വല്ലാഞ്ചിറ, പി.കെ. സുജീര്‍, യൂസഫലി ചെമ്മല തുടങ്ങിയവര്‍ സംസാരിച്ചു.

വാരിയം കുന്നത്ത് കുഞ്ഞഹമ്മദ് ഹാജിയുടെ ജീവിതവും പോരാട്ടവും നമ്മുടെ പുതിയ തലമുറയിലേക്ക് എത്തിക്കേണ്ടതിന്റെ ആവശ്യകതയെക്കുറിച്ച് നിങ്ങളുടെ അഭിപ്രായങ്ങൾ കമന്‍റ് കോളത്തില്‍ പങ്കുവയ്ക്കുക.

Commemorative event was held in Manjeri to honor Variyam Kunnath Kunjahammad Haji, a prominent freedom fighter who fought for the freedom of all communities.

#VariyamKunnan, #FreedomFighter, #KeralaHistory, #IndianIndependence, #SDPI