തിരുവനന്തപുരം: ലൈംഗിക ആരോപണങ്ങളെത്തുടർന്ന് യൂത്ത് കോൺഗ്രസ് മുൻ അധ്യക്ഷനും എം.എൽ.എ.യുമായ രാഹുൽ മാങ്കൂട്ടത്തിലിനെ പാർട്ടിയുടെ പ്രാഥമിക അംഗത്വത്തിൽ നിന്ന് സസ്പെൻഡ് ചെയ്തു. ആറ് മാസത്തേക്കാണ് സസ്പെൻഷൻ. അതേസമയം, എം.എൽ.എ. സ്ഥാനത്ത് രാഹുൽ തുടരും. ആരോപണങ്ങളെക്കുറിച്ച് പാർട്ടി അന്വേഷണം നടത്തില്ലെന്ന് നേതൃത്വം അറിയിച്ചു.

രാഹുൽ മാങ്കൂട്ടത്തിൽ എം.എൽ.എ. സ്ഥാനം രാജിവയ്ക്കണമെന്ന ആവശ്യം നേതാക്കൾക്കിടയിൽ ശക്തമായിരുന്നെങ്കിലും, ഒടുവിൽ സസ്പെൻഷൻ നടപടിയിലേക്ക് പാർട്ടി നീങ്ങുകയായിരുന്നു. അടുത്ത നിയമസഭാ സമ്മേളനത്തിൽ രാഹുൽ പങ്കെടുക്കാൻ സാധ്യതയില്ലെന്നും അവധിയെടുക്കാൻ പാർട്ടി നിർദേശിച്ചേക്കുമെന്നും സൂചനയുണ്ട്. ആരോപണം പുറത്തുവന്നതിനെത്തുടർന്ന് യൂത്ത് കോൺഗ്രസ് അധ്യക്ഷ സ്ഥാനം രാഹുൽ മാങ്കൂട്ടത്തിൽ നേരത്തെ രാജിവച്ചിരുന്നു.
 

പാർട്ടി നടപടിയെക്കുറിച്ച് നിങ്ങൾക്കെന്തു തോന്നുന്നു? അഭിപ്രായം കമന്റ് ചെയ്യുക.

Article Summary: Rahul Mankootathil suspended from party for 6 months.

#RahulMankootathil #Congress #KeralaPolitics #YouthCongress #Suspension #PoliticalNews