തിരുവനന്തപുരം: (KVARTHA) മുൻഗണനാ കാർഡിന് അപേക്ഷിക്കാൻ സെപ്റ്റംബറിൽ അവസരം നൽകുമെന്ന് ഭക്ഷ്യ, പൊതുവിതരണ വകുപ്പ് മന്ത്രി ജി ആർ അനിൽ അറിയിച്ചു. തീയതി പിന്നീട് പ്രഖ്യാപിക്കുമെന്ന് മന്ത്രിയുടെ ലൈവ് ഫോൺ-ഇൻ പരിപാടിയിൽ അദ്ദേഹം പറഞ്ഞു.

സെക്രട്ടേറിയറ്റിൽ നടന്ന പരിപാടിയിൽ 22 പരാതികൾ മന്ത്രി നേരിട്ട് കേട്ടു. റേഷൻ കാർഡ് തരം മാറ്റുന്നതുമായി ബന്ധപ്പെട്ട പരാതികളിൽ നടപടികൾ സ്വീകരിക്കാൻ നിർദേശം നൽകി. കോട്ടയം കാഞ്ഞിരപ്പള്ളിയിൽ റേഷൻ കട അനുവദിച്ചത് സംബന്ധിച്ച പരാതികളും പരിശോധിക്കാൻ നിർദേശിച്ചിട്ടുണ്ട്.

അനർഹമായ മുൻഗണനാ കാർഡ് കൈവശം വെച്ചിട്ടുള്ളവരെക്കുറിച്ച് 9188527301 എന്ന നമ്പറിൽ അറിയിക്കാം. പരാതി നൽകുന്നവരുടെ വിവരങ്ങൾ രഹസ്യമായി സൂക്ഷിക്കുമെന്ന് മന്ത്രി വ്യക്തമാക്കി.

പാലക്കാട് നെല്ല് സംഭരണം, കോട്ടയത്ത് പുതിയ മാവേലി സ്റ്റോർ അനുവദിക്കൽ, ക്ഷേമനിധി പെൻഷൻ തുക വർദ്ധിപ്പിക്കൽ തുടങ്ങിയ വിഷയങ്ങളിലും പരാതികൾ നേരിട്ട് സമർപ്പിക്കാൻ മന്ത്രി നിർദേശിച്ചു.
 

ഈ അറിയിപ്പ് നിങ്ങൾക്ക് എത്രത്തോളം സഹായകമാകും? അഭിപ്രായം കമന്റ് ചെയ്യുക.

Article Summary: Kerala Minister G.R. Anil announces that applications for priority ration cards will open in September.

#Kerala #GRAnil #RationCard #FoodMinister #PriorityCard #PublicDistribution