ന്യൂഡൽഹി: (KVARTHA) അമേരിക്കൻ പ്രസിഡൻ്റ് തിരഞ്ഞെടുപ്പിൽ ചരിത്ര വിജയം നേടിയ ഡൊണാൾഡ് ട്രംപിനെ പ്രധാനമന്ത്രി നരേന്ദ്ര മോദി അഭിനന്ദിച്ചു. ഇന്ത്യയും ‌‌അമേരിക്കയും തമ്മിലുള്ള സമഗ്ര, ആഗോള, തന്ത്രപര പങ്കാളിത്തം കൂടുതൽ ശക്തിപ്പെടുത്തുന്നതിനായി പരസ്പര സഹകരണം പുതുക്കാൻ താൻ ആഗ്രഹിക്കുന്നുവെന്ന് മോദി പറഞ്ഞു.

'തിരഞ്ഞെടുപ്പിലെ ചരിത്ര വിജയത്തിൽ എൻ്റെ സുഹൃത്ത് ഡൊണാൾഡ് ട്രംപിന് ഹൃദയംഗമമായ അഭിനന്ദനങ്ങൾ. മുൻ ഭരണകാലത്തെ വിജയങ്ങളുടെ തുടർച്ചയായി താങ്കൾ വീണ്ടും മുന്നേറുമ്പോൾ, ഇന്ത്യയും യുഎസും തമ്മിലുള്ള സമഗ്ര, ആഗോള, തന്ത്രപര പങ്കാളിത്തം കൂടുതൽ ശക്തിപ്പെടുത്തുന്നതിനായി നമ്മുടെ പരസ്പര സഹകരണം പുതുക്കാൻ ഞാൻ പ്രതീക്ഷിക്കുന്നു. 

Heartiest congratulations my friend @realDonaldTrump on your historic election victory. As you build on the successes of your previous term, I look forward to renewing our collaboration to further strengthen the India-US Comprehensive Global and Strategic Partnership. Together,… pic.twitter.com/u5hKPeJ3SY

— Narendra Modi (@narendramodi) November 6, 2024

നമ്മുടെ ജനങ്ങളുടെ ജീവിതം മെച്ചപ്പെടുന്നതിനും ആഗോള സമാധാനവും സ്ഥിരതയും സമൃദ്ധിയും പ്രോത്സാഹിപ്പിക്കുന്നതിനുമായി നമുക്ക് ഒരുമിച്ച് പ്രവർത്തിക്കാം; എക്സിലെ ഒരു പോസ്റ്റിൽ മോദി കുറിച്ചു. 277 ഇലക്ടറൽ കോളേജ് വോട്ടുകൾ നേടിയാണ് ട്രംപിന്റെ ഐതിഹാസിക ജയം. നിരവധി ലോകനേതാക്കളും ട്രംപിനെ അഭിനന്ദിച്ചു.

#Modi, #Trump, #ElectionVictory, #IndiaUSRelations, #Diplomacy, #GlobalPartnership