പി പി ദിവ്യയ്ക്കെതിരായ പരാതി: തുടർനടപടിയിൽ രണ്ടു മാസത്തിനകം തീരുമാനമെടുക്കണം; ഹൈകോടതി
 

കണ്ണൂർ: (KVARTHA) മുൻ കണ്ണൂർ ജില്ലാ പഞ്ചായത്ത് പ്രസിഡന്റായിരുന്ന പി.പി. ദിവ്യ ബെനാമി കമ്പനി രൂപീകരിച്ച് ഇടപാടുകൾ നടത്തിയെന്ന പരാതിയിൽ തുടർനടപടി സംബന്ധിച്ച് രണ്ടു മാസത്തിനകം സർക്കാർ തീരുമാനമെടുക്കണമെന്ന് ഹൈകോടതി ഉത്തരവിട്ടു.

കണ്ണൂർ ജില്ലാ പഞ്ചായത്തിന്റെ കരാർ ജോലികൾ ബിനാമി കമ്പനിക്ക് നൽകി സാമ്പത്തികനേട്ടമുണ്ടാക്കിയെന്ന് ആരോപിച്ചു വിജിലൻസിനു പരാതി നൽകിയിട്ടും നടപടിയില്ലെന്ന് ചൂണ്ടിക്കാട്ടി കെ.എസ്. സംസ്ഥാന വൈസ് പ്രസിഡന്റ് പി. മുഹമ്മദ് ഷമ്മാസ് നൽകിയ ഹർജി തീർപ്പാക്കിയാണ് ജസ്റ്റിസ് എ. ബദറുദ്ദീന്റെ ഉത്തരവ്.

സീൽ ഇൻഡസ്ട്രീസ് കേരള ലിമിറ്റഡ് (സിൽക്), നിർമിതി കേന്ദ്ര എന്നീ സ്ഥാപനങ്ങൾക്ക് അനുവദിച്ച വിവിധ പദ്ധതികൾ കരാർ പോലുമില്ലാതെ ബിനാമി കമ്പനിക്ക് കൈമാറിയെന്നാണ് ഹർജിക്കാരന്റെ ആക്ഷേപം. 

സ്ത്രീകൾക്കു താമസ സൗകര്യമൊരുക്കാനുള്ള പദ്ധതിക്കു വേണ്ടി സ്ഥലം വാങ്ങിയതിലും അഴിമതിയുണ്ടെന്നും അദ്ദേഹം ആരോപിക്കുന്നു. ഫെബ്രുവരി 21-ന് വിജിലൻസ് ഡയറക്ടർക്ക് പരാതി നൽകിയിരുന്നു.

പരാതി ജൂലൈ 8-ന് ആഭ്യന്തര സെക്രട്ടറിക്കു കൈമാറിയെന്നും തുടർനടപടിയുടെ കാര്യത്തിൽ മറുപടി കാത്തിരിക്കുകയാണെന്നും വിജിലൻസിനു വേണ്ടി ഹാജരായ അഭിഭാഷകൻ കോടതിയിൽ നിലപാട് വിശദീകരിച്ചു.

പി.പി. ദിവ്യക്കെതിരായ പരാതിയിൽ ഹൈകോടതിയുടെ ഈ നിർദ്ദേശത്തെക്കുറിച്ച് നിങ്ങളുടെ അഭിപ്രായം പങ്കുവെക്കൂ. ഈ വാർത്ത ഷെയർ ചെയ്യൂ.

Article Summary: High Court orders government action on PP Divya's corruption case.

#PPDivya #KeralaHighCourt #Vigilance #Kannur #Corruption #KSU