കണ്ണൂര്‍: (KVARTHA) ജില്ലയിൽ വീണ്ടും രാഷ്ട്രീയ സംഘര്‍ഷം. കൊളവല്ലൂര്‍ പൊലീസ് സ്‌റ്റേഷന്‍ പരിധിയിലെ പൊയിലൂരില്‍ ബി.ജെ.പി പ്രവര്‍ത്തകന് വെട്ടേറ്റു. കൊല്ലമ്പറ്റ സ്വദേശി ഷൈജുവിനാണ് വെട്ടേറ്റത്. തലയ്ക്കും കൈക്കും വെട്ടേറ്റ ഇയാളെ തലശേരിയിലെ ആശുപത്രിയില്‍ പ്രവേശിപ്പിച്ചു. 

അക്രമം തടയുന്നതിനിടെ കൂടെയുണ്ടായിരുന്ന നാലു ബി.ജെ.പി പ്രവര്‍ത്തകര്‍ക്ക്  മര്‍ദനമേറ്റതായും പരാതിയുണ്ട്.  പൊയിലൂര്‍ ഉത്സവത്തിനെത്തി മടങ്ങിയവര്‍ക്ക് നേരെയാണ് ചൊവ്വാഴ്ച വൈകിട്ട് അഞ്ചുമണിയോടെ  അക്രമമുണ്ടായത്. ഉത്സവ സ്ഥലത്തിന് ഒരു കിലോമീറ്റര്‍ അകലെയാണ് സംഭവം.

അക്രമത്തിന് പിന്നില്‍ സി.പി. എം പ്രവര്‍ത്തകരാണെന്ന്  ബി.ജെ.പി നേതൃത്വം ആരോപിച്ചു. അക്രമം നടന്ന പൊയിലൂര്‍ മേഖലയില്‍ കൊളവല്ലൂര്‍  പൊലീസ് സുരക്ഷ ശക്തമാക്കിയിട്ടുണ്ട്. പരുക്കേറ്റവരുടെ പരാതിയില്‍ കണ്ടാലറിയാവുന്ന സി.പി.എം പ്രവര്‍ത്തകര്‍ക്കെതിരെ കേസെടുത്ത് അന്വേഷണം ഊര്‍ജ്ജിതമാക്കിയിട്ടുണ്ട്. ഒരിടവേളയ്ക്ക് ശേഷമാണ് കണ്ണൂരിൽ വീണ്ടും രാഷ്ട്രീയ സംഘര്‍ഷം ഉണ്ടാകുന്നത്.

A BJP worker was attacked in Poyilur, Kannur district. Shaiju was injured in the attack while returning from the festival. BJP alleged that CPM workers were behind the attack. Police have started an investigation into the incident.

 #KannurViolence, #PoliticalClash, #BJP, #CPM, #KeralaNews, #Poyilur