തദ്ദേശ തിരഞ്ഞെടുപ്പ് സുരക്ഷ: കണ്ണൂരിലും വളപട്ടണത്തും പോലീസും ആർഎഎഫും റൂട്ട് മാർച്ച് നടത്തി

കണ്ണൂർ: (KVARTHA) തദ്ദേശ തെരഞ്ഞെടുപ്പിന് സുരക്ഷ ഒരുക്കുന്നതിന്റെ ഭാഗമായി കണ്ണൂരിലും വളപട്ടണത്തും പോലീസും റാപ്പിഡ് ആക്ഷൻ ഫോഴ്സും സംയുക്തമായി റൂട്ട് മാർച്ച് നടത്തി.

കണ്ണൂരിൽ റൂട്ട് മാർച്ചിന് സിറ്റി പോലീസ് കമ്മീഷണർ നിധിൻരാജ് പി. ഐപിഎസിന്റെ നേതൃത്വം നൽകി. കണ്ണൂർ അസിസ്റ്റന്റ് കമ്മീഷണർ ഓഫ് പോലീസ് പ്രദീപൻ കണ്ണിപ്പൊയിൽ, കണ്ണൂർ ടൗൺ പോലീസ് സ്റ്റേഷൻ ഇൻസ്പെക്ടർ വിനുമോഹൻ പി. എ, എസ്.ഐമാരായ ദീപ്തി വി. വി, അനുരൂപ് കെ. എന്നിവരും 75 പോലീസ് സേനാംഗങ്ങളും മാർച്ചിൽ പങ്കെടുത്തു. 

ആർ.എ.എഫ് അസിസ്റ്റന്റ് കമാണ്ടന്റ് അനിൽ കുമാർ യാദവ്, ഇൻസ്പെക്ടർമാരായ ജി. മനോഹരൻ, കെ. എം. കുമാരി എന്നിവരുടെ നേതൃത്വത്തിൽ 60 ആർ.എ.എഫ് സേനാംഗങ്ങളും റൂട്ട് മാർച്ചിൽ അണിചേർന്നു. കണ്ണൂരിലെ റൂട്ട് മാർച്ച് താവക്കരയിൽ നിന്ന് ആരംഭിച്ച് പഴയ ബസ് സ്റ്റാൻഡിൽ അവസാനിച്ചു.

വളപട്ടണത്ത് റൂട്ട് മാർച്ച് അസിസ്റ്റന്റ് കമ്മീഷണർ ഓഫ് പോലീസ് രാജേഷ് പി.യുടെ നേതൃത്വത്തിലാണ് നടന്നത്. വളപട്ടണം പോലീസ് സ്റ്റേഷൻ ഇൻസ്പെക്ടർ വിജേഷ് പി., എസ്.ഐമാരായ ലതീഷ് സി. സി, വികാസ്, ഭാസ്കരൻ ഉൾപ്പെടെ 35 പോലീസ് സേനാംഗങ്ങൾ മാർച്ചിൽ പങ്കെടുത്തു. 

ആർ.എ.എഫ് സെക്കന്റിൻ കമാണ്ടന്റ് സച്ചിൻ ജി., ഇൻസ്പെക്ടർ ജി. സുരേഷ് എന്നിവരുടെ നേതൃത്വത്തിൽ 60 ആർ.എ.എഫ് സേനാംഗങ്ങളും വളപട്ടണം റൂട്ട് മാർച്ചിൽ അണിനിരന്നു. ഈ മാർച്ച് അഴീക്കോട് അക്ലിയത്ത് സ്‌കൂളിൽ നിന്ന് ആരംഭിച്ച് പൂതപ്പാറ ടൗണിലാണ് അവസാനിച്ചത്.

ഈ വാർത്തയെക്കുറിച്ച് നിങ്ങളുടെ അഭിപ്രായം കമൻ്റ് ചെയ്യുക. വാർത്ത നിങ്ങളുടെ സുഹൃത്തുക്കൾക്ക് പങ്കുവെക്കുക. 

Article Summary: Police and RAF jointly conduct route march for election security.

#KeralaPolice #RAFRoutemarch #KannurElection #LocalBodyPolls #ElectionSecurity #Valapattanam