ന്യൂഡല്‍ഹി: (KVARTHA) സുപ്രീം കോടതി ചീഫ് ജസ്റ്റിസ് ഡി.വൈ. ചന്ദ്രചൂഡിന്റെ (CJI Chandrachud) വസതിയില്‍ നടന്ന ഗണപതി പൂജയില്‍ (Ganesh Puja) പ്രധാനമന്ത്രി നരേന്ദ്ര മോദി (PM Modi)  പങ്കെടുത്തത് വലിയ വിവാദമായിരിക്കുകയാണ്. ഈ സംഭവം നീതിന്യായ വ്യവസ്ഥയിലെ പക്ഷപാതത്തെക്കുറിച്ച് ജനങ്ങളില്‍ സംശയം ഉയര്‍ത്തുമെന്ന് പ്രതിപക്ഷം ആരോപിക്കുന്നു.

ശിവസേന (ഉദ്ദവ് താക്കറെ വിഭാഗം) എംപി സഞ്ജയ് റൗത്ത് ആണ് ഈ വിഷയത്തില്‍ ആദ്യം വിമര്‍ശനം ഉന്നയിച്ചത്. ഭരണഘടനയുടെ സംരക്ഷകനായ ചീഫ് ജസ്റ്റിസ് ഒരു രാഷ്ട്രീയ നേതാവിനെ വീട്ടില്‍ സ്വീകരിക്കുന്നത് ജനങ്ങളില്‍ സംശയം ഉണ്ടാക്കുമെന്നാണ് അദ്ദേഹം പറഞ്ഞത്. കൊല്‍ക്കത്തയിലെ വനിത ഡോക്ടറുടെ ബലാത്സംഗ കേസ്, ഡല്‍ഹി മുഖ്യമന്ത്രി അരവിന്ദ് കേജ്രിവാളിന്റെ ജാമ്യാപേക്ഷ തുടങ്ങിയ സുപ്രീം കോടതിയിലെ ചില കേസുകളെ ഉദാഹരണമാക്കി, ഈ വിധികളില്‍ രാഷ്ട്രീയ സ്വാധീനം ഉണ്ടാകാനുള്ള സാധ്യതയെക്കുറിച്ച് അദ്ദേഹം സംശയം പ്രകടിപ്പിച്ചു.

ശിവസേനയുമായി ബന്ധപ്പെട്ട ഒരു കേസ് ചീഫ് ജസ്റ്റിസിന്റെ പരിഗണനയില്‍ വരാനിരിക്കുന്നതിനാല്‍, പ്രധാനമന്ത്രിയും ഈ കേസില്‍ ഒരു കക്ഷിയായതിനാല്‍, വിധിയില്‍ ആശങ്കയുണ്ടെന്നും റൗത്ത് ആരോപിച്ചു.

എന്നാല്‍, ബിജെപി ഈ വിമര്‍ശനങ്ങളെ തള്ളിക്കളഞ്ഞു. ഗണപതി പൂജയില്‍ പ്രധാനമന്ത്രി പങ്കെടുത്തത് നമ്മുടെ സംസ്‌കാരത്തിന്റെ ഭാഗമായി കാണണമെന്നാണ് അവരുടെ വാദം. ചന്ദ്രചൂഡ്, മോദി എന്നിവര്‍ പരമ്പരാഗത വസ്ത്രത്തില്‍ ഒന്നിച്ചുള്ള ചിത്രങ്ങള്‍ സോഷ്യല്‍ മീഡിയയില്‍ വ്യാപകമായി പ്രചരിച്ചിരുന്നു. ഈ സംഭവം സുപ്രീം കോടതിയുടെ സ്വതന്ത്ര്യത്തെക്കുറിച്ചുള്ള ചര്‍ച്ചകള്‍ക്ക് വീണ്ടും തിരികൊളുത്തിയിരിക്കുകയാണ്.

#India #SupremeCourt #Modi #Judiciary #Controversy #Politics

Joined Ganesh Puja at the residence of CJI, Justice DY Chandrachud Ji.

May Bhagwan Shri Ganesh bless us all with happiness, prosperity and wonderful health. pic.twitter.com/dfWlR7elky

— Narendra Modi (@narendramodi) September 11, 2024