തിരുവനന്തപുരം: (KVARTHA) മുഖ്യമന്ത്രി പിണറായി വിജയനും ഭാര്യ കമലയും 46-ാം വിവാഹ വാർഷികം ആഘോഷിച്ചു. 'ഒരുമിച്ചുള്ള 46 വർഷങ്ങൾ' എന്ന കുറിപ്പോടെ മുഖ്യമന്ത്രി തൻ്റെ സമൂഹമാധ്യമ അക്കൗണ്ടിൽ വിവാഹചിത്രം പങ്കുവെച്ചു. മുഖ്യമന്ത്രിക്ക് ആശംസ നേർന്ന് മന്ത്രി വി. ശിവൻകുട്ടി വിവാഹക്ഷണക്കത്ത് പങ്കുവെച്ചതും ശ്രദ്ധേയമായി.

1979 സെപ്റ്റംബർ 2 ഞായറാഴ്ചയാണ് പിണറായി വിജയനും വടകര ഒഞ്ചിയം തൈക്കണ്ടി സ്വദേശിനിയായ കമലയും വിവാഹിതരായത്. തലശ്ശേരി സെൻ്റ് ജോസഫ്സ് സ്കൂളിലെ അധ്യാപികയായിരുന്നു കമല. കൂത്തുപറമ്പ് എംഎൽഎയും സിപിഎം കണ്ണൂർ ജില്ലാ സെക്രട്ടേറിയറ്റ് അംഗവുമായി പ്രവർത്തിക്കുന്ന കാലത്തായിരുന്നു പിണറായി വിജയന്റെ വിവാഹം.

1979-ൽ സിപിഎം കണ്ണൂർ ജില്ലാ സെക്രട്ടറിയായിരുന്ന ചടയൻ ഗോവിന്ദനാണ് വിവാഹ ക്ഷണക്കത്ത് തയ്യാറാക്കിയത്. തലശ്ശേരി ടൗൺ ഹാളിൽ വെച്ചായിരുന്നു വിവാഹം. 1979 ഓഗസ്റ്റ് ഒന്നിന് പുറത്തിറക്കിയ ക്ഷണക്കത്തിൽ സമ്മാനങ്ങൾ ഒഴിവാക്കണമെന്നും നിർദേശിച്ചിരുന്നു.
 

46 വർഷം നീണ്ട ദാമ്പത്യ ജീവിതത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക. ആശംസകൾ അറിയിക്കൂ.

Article Summary: Kerala CM Pinarayi Vijayan celebrates 46th wedding anniversary.

#PinarayiVijayan #WeddingAnniversary #KeralaCM #LoveStory #KamalaVijayan #Marriage