പി മോഹനൻ മാസ്റ്റർ കേരള ബാങ്ക് പ്രസിഡന്റ്; ടി വി രാജേഷ് വൈസ് പ്രസിഡന്റ്

കണ്ണൂർ: (KVARTHA) കേരള ബാങ്ക് പ്രസിഡന്റായി സിപിഎം സംസ്ഥാന സെക്രട്ടേറിയറ്റ് അംഗം പി മോഹനൻ മാസ്റ്ററെ തെരഞ്ഞെടുത്തു. ടി വി രാജേഷിനെയാണ് വൈസ് പ്രസിഡന്റായും തെരഞ്ഞെടുത്തത്.

ഈ മാസം 21ന് നടന്ന കേരള ബാങ്കിന്റെ ഭരണസമിതിയിലേക്കുള്ള തെരഞ്ഞെടുപ്പിൽ എൽഡിഎഫിന് 1020 വോട്ടും യുഡിഎഫിന് 49 വോട്ടുകളുമാണ് ലഭിച്ചത്. മലപ്പുറം ഒഴികെയുള്ള ജില്ലാ ബാങ്കുകളാണ് തെരഞ്ഞെടുപ്പിൽ പങ്കെടുത്തത്. സിപിഐ എം സംസ്ഥാന സെക്രട്ടേറിയറ്റ് അംഗം എം വി ജയരാജനാണ് ഭാരവാഹികളുടെ പേരുകൾ പ്രഖ്യാപിച്ചത്.

സഹകരണ മേഖല ഗുരുതരമായ പ്രതിസന്ധിയിലൂടെ കടന്നുപോകുന്ന കാലമാണ് ഇതെന്നും സംസ്ഥാനങ്ങളോട് കൂടിയാലോചന നടത്താതെയാണ് കേന്ദ്രം പുതിയ നയങ്ങളുമായി മുന്നോട്ട് പോകുന്നതെന്നും എം വി ജയരാജൻ പറഞ്ഞു. ‘മനുസ്മൃതിയാണ് കേന്ദ്രം അംഗീകരിക്കുന്ന ഭരണഘടന’ എന്നും അദ്ദേഹം കൂട്ടിച്ചേർത്തു. സഹകരണം സംസ്ഥാന വിഷയമാണെന്നും അതിനെ തകർക്കാൻ അനുവദിച്ചു കൂടാ എന്നും എം വി ജയരാജൻ പറഞ്ഞു.

അതേസമയം, കേരള ബാങ്ക് എല്ലാ മേഖലയിലും ഒന്നാം സ്ഥാനത്താണെന്നും ഇടതുപക്ഷ സർക്കാരിന്റെ ഇച്ഛാശക്തിയോടെയുള്ള ഇടപെടലും സഹകരണവുമാണ് കേരള ബാങ്ക് രൂപീകരണത്തിന് വഴിയൊരുക്കിയതെന്നും പി മോഹനൻ മാസ്റ്റർ പറഞ്ഞു. 

കഴിഞ്ഞ ഭരണസമിതി ലക്ഷ്യം വെച്ചതിന്റെ തുടർച്ചയായിരിക്കും പുതിയ ഭരണസമിതി എന്നും ആത്മാർത്ഥമായ പരിശ്രമങ്ങൾ പുതിയ ഭരണസമിതിയുടെ ഭാഗത്തുനിന്ന് ഉണ്ടാകുമെന്നും അദ്ദേഹം കൂട്ടിച്ചേർത്തു.

ഈ തിരഞ്ഞെടുപ്പിനെക്കുറിച്ചുള്ള നിങ്ങളുടെ അഭിപ്രായം പങ്കുവെക്കൂ. 

Article Summary: P Mohanan Master and T V Rajesh were elected President and Vice President of Kerala Bank after a massive LDF victory.

#KeralaBank #LDFVictory #PMohananMaster #TVRajesh #CooperativeBank #KeralaPolitics