ന്യൂഡല്‍ഹി: (KVARTHA) പാക് ഭീകരതയെക്കുറിച്ചും 'ഓപ്പറേഷൻ സിന്ദൂറി'നെക്കുറിച്ചും വിദേശരാജ്യങ്ങളിൽ വിശദീകരണം നൽകാനുള്ള സർവകക്ഷി പ്രതിനിധി സംഘത്തിലേക്ക് കേന്ദ്രസർക്കാർ ക്ഷണിച്ചതിൽ സന്തോഷമുണ്ടെന്ന് ശശി തരൂർ എം.പി. രാജ്യതാൽപര്യമാണ് പ്രധാനമെന്നും, കേന്ദ്രസർക്കാരിന്റെ ക്ഷണം ബഹുമതിയായി കരുതുന്നുവെന്നും അദ്ദേഹം സമൂഹമാധ്യമങ്ങളിൽ കുറിച്ചു. അഞ്ച് രാജ്യങ്ങളിലേക്കുള്ള പ്രതിനിധി സംഘത്തെ നയിക്കുന്നത് അഭിമാനകരമാണെന്നും തരൂർ കൂട്ടിച്ചേർത്തു.

തരൂരിന്റെ ഈ തീരുമാനത്തെ കെപിസിസി പിന്തുണച്ചു. വിദേശ പര്യടനത്തിൽ തരൂരിനെ ഉൾപ്പെടുത്തിയതിനെ കെപിസിസി സ്വാഗതം ചെയ്തു. രാജ്യത്തിന്റെ നിലപാട് അറിയിക്കാൻ തരൂരിന് കഴിയുമെന്നും കെപിസിസി പ്രത്യാശ പ്രകടിപ്പിച്ചു.

സർവകക്ഷി സംഘത്തിന്റെ ഭാഗമായതിൽ സന്തോഷമുണ്ടെന്ന് മുസ്ലിം ലീഗ് എം.പി. ഇ.ടി. മുഹമ്മദ് ബഷീർ പ്രതികരിച്ചു. അതേസമയം, ഓപ്പറേഷൻ സിന്ദൂറുമായി ബന്ധപ്പെട്ട് പാർലമെൻ്റ് യോഗം വിളിച്ചു കൂട്ടണമെന്ന നിലപാടിൽ ഉറച്ചുനിൽക്കുകയാണെന്നും അദ്ദേഹം വ്യക്തമാക്കി. ഓപ്പറേഷൻ സിന്ദൂർ എല്ലാവരുടെയും വിജയമാണെന്നും, അത് ബിജെപി സ്വകാര്യ നേട്ടത്തിനായി ഉപയോഗിക്കുന്നു എന്ന ആരോപണത്തിൽ പ്രതികരിക്കാനില്ലെന്നും അദ്ദേഹം പറഞ്ഞു.

At a time when Prime Minister Modi and his External Affairs Minister have lost credibility internationally, the nation needs a voice that commands respect. We appreciate the government for recognising the talent vacuum within the BJP and choosing a Congress leader to represent… pic.twitter.com/bue2FSZaEO

— Congress Kerala (@INCKerala) May 16, 2025

കേന്ദ്രസർക്കാർ ക്ഷണം ലഭിച്ചിട്ടുണ്ടെന്ന് ജോൺ ബ്രിട്ടാസ് എം.പി. അറിയിച്ചു. സർക്കാർ നയതന്ത്ര നീക്കവുമായി സഹകരിക്കുമെന്നും, പ്രധാനമന്ത്രി ഇതുവരെ സർവകക്ഷി യോഗം വിളിച്ചിട്ടില്ലെന്നും അദ്ദേഹം കൂട്ടിച്ചേർത്തു.

ഓപ്പറേഷൻ സിന്ദൂറിനെക്കുറിച്ചുള്ള ഈ സുപ്രധാന നീക്കത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കൂ. രാജ്യത്തിന് ഇത് എത്രത്തോളം ഗുണകരമാകും? വാര്‍ത്ത ഷെയർ ചെയ്യുക.

Article Summary: Shashi Tharoor MP accepted the central government's invitation to be part of the all-party delegation to explain Operation Sindoor and Pakistan's terrorism abroad, considering it an honor and prioritizing national interest. KPCC supported his inclusion. Other leaders like E.T. Muhammad Basheer and John Brittas also reacted to the development.

#OperationSindoor, #ShashiTharoor, #KPCC, #IndiaForeignPolicy, #PakistanTerrorism, #AllPartyDelegation