വൈഷ്ണയ്ക്ക് വോട്ട് തേടി കെ സി വേണുഗോപാൽ; ചായക്കടയിൽ ചൂടുള്ള രാഷ്ട്രീയ ചർച്ച

(KVARTHA) ചൂട് ചായക്കൊപ്പം ചൂടുള്ള രാഷ്ട്രീയവും പറഞ്ഞ് മുട്ടടയിലെ യു ഡി എഫ് സ്ഥാനാർത്ഥി വൈഷ്ണ സുരേഷിന് വോട്ട് അഭ്യർത്ഥിച്ച് എ ഐ സി സി സംഘടനാ ചുമതലയുള്ള ജനറൽ സെക്രട്ടറി കെ സി വേണുഗോപാൽ എം പി. 

തിരുവനന്തപുരം ജില്ലയിലെ ഏറ്റവും തിരക്കേറിയ കുറവൻകോണം ഫുഡ്‌കോർട്ടാണ് വ്യത്യസ്തമായ ഈ തിരഞ്ഞെടുപ്പ് പ്രചാരണത്തിന് സാക്ഷ്യം വഹിച്ചത്. കേരളത്തിലെ യുവത്വം നേരിടുന്ന വിഷയങ്ങൾ അവരോടൊപ്പം സംവദിച്ചാണ് കെ സി വേണുഗോപാൽ ചെറുപ്പക്കാരിയായ വൈഷ്ണയ്ക്ക് വേണ്ടി വോട്ട് തേടിയത്.

കെ പി സി സി നിശ്ചയിച്ച ഔദ്യോഗിക പരിപാടികൾക്ക് പുറമെയാണ് കെ സി വേണുഗോപാൽ എം പി മുട്ടടയിലെ യു ഡി എഫ് സ്ഥാനാർത്ഥിക്ക് വേണ്ടി വോട്ട് പിടിക്കാനിറങ്ങിയത്. രാവിലെ 10.15 ഓടെ കുറവൻകോണത്തെത്തിയ കെ സി വേണുഗോപാലിനെ യു ഡി എഫ് സ്ഥാനാർത്ഥികളായ ശബരിനാഥനും വൈഷ്ണയും മറ്റ് കോൺഗ്രസ് പ്രവർത്തകരും ചേർന്ന് സ്വീകരിച്ചു.

തിരക്കേറിയ ഫുഡ് കോർട്ടിൽ ഭക്ഷണം കഴിക്കാനെത്തിയ സിവിൽ സർവീസ് പരിശീലകരായ വിദ്യാർത്ഥികളോട് അവരുടെ പ്രശ്‌നങ്ങളെക്കുറിച്ച് കെ സി വേണുഗോപാൽ ചോദിച്ചറിഞ്ഞു. 

അതിന് ശേഷം ആ ഭാഗത്തെ കടകളും വീടുകളും സ്ഥാനാർത്ഥികളോടൊപ്പം സന്ദർശിച്ച് യു ഡി എഫിനായി അദ്ദേഹം വോട്ട് അഭ്യർഥിച്ചു. ഏകദേശം അരമണിക്കൂറിലേറെ സമയം അവിടെ ചെലവഴിച്ച ശേഷമാണ് മറ്റുപരിപാടികളിൽ പങ്കെടുക്കാൻ കെ സി വേണുഗോപാൽ മടങ്ങിയത്.

ഈ തിരഞ്ഞെടുപ്പ് രീതിയെക്കുറിച്ച് നിങ്ങളുടെ അഭിപ്രായം കമൻ്റ് ചെയ്യുക. വാർത്ത ഷെയർ ചെയ്ത് മറ്റുള്ളവരിലേക്കും എത്തിക്കൂ.

Article Summary: KC Venugopal campaigned for UDF candidate Vaishnavi Suresh in Muttada by engaging with youth at Kuravankonam Food Court.

#KCVenugopal #VaishnaviSuresh #UDF #KeralaElection #Muttada #PoliticalCampaign