Campaign | ആത്മകഥ വിവാദം ചൂടുപിടിക്കുന്നതിനിടെ നിർണായക നീക്കവുമായി സിപിഎം; ഇ പി വ്യാഴാഴ്ച സരിന് വേണ്ടി പ്രചാരണത്തിനെത്തും 

 
EP Jayarajan to Campaign for P. Sarin Amidst Autobiography Controversy

Photo Credit: Facebook/ CPIM Kerala

ADVERTISEMENT

● പാർടിയുടെ നിർദേശപ്രകാരമാണ് ഇ പി ജയരാജന്റെ പാലക്കാട് സന്ദർശനം.
● ആത്മകഥയിലെ വിമർശനങ്ങൾ ഇ പി ജയരാജൻ നിഷേധിച്ചു
● ഇ പി ജയരാജൻ ഡിജിപിക്ക് പരാതി നൽകി

പാലക്കാട്: (KVARTHA) ആത്മകഥാ വിവാദം ചൂടുപിടിച്ചിരിക്കുന്നതിനിടയിൽ നിർണായക നീക്കവുമായി സിപിഎം. കേന്ദ്രകമിറ്റി അംഗവും മുൻ എൽഡിഎഫ് കൺവീനറുമായ ഇ പി ജയരാജൻ വ്യാഴാഴ്ച പാലക്കാട് പി സരിന് വേണ്ടി തിരഞ്ഞെടുപ്പ് പ്രചാരണത്തിനായി എത്തും. ഇ പിയുടേതെന്ന പേരിൽ പുറത്ത് വന്ന ആത്മകഥയിൽ  സരിനെ വിമർശിക്കുന്ന പരാമർശങ്ങളുണ്ടെന്നാണ് വിവരം.

Aster_MIMS

ഇതോടെയാണ് പാർടിയുടെ നിർദേശപ്രകാരം ഇ പി വരുന്നതെന്നത് ശ്രദ്ധേയമാണ്. വ്യാഴാഴ്ച വൈകിട്ട് അഞ്ചുമണിക്ക് പാലക്കാട് മുനിസിപൽ ബസ് സ്റ്റാൻഡിൽ നടക്കുന്ന പൊതുയോഗത്തിലാണ് ഇ പി ജയരാജൻ സംസാരിക്കുക. സ്വതന്ത്രർ വയ്യാവേലികളാണെന്നും സരിന്റെ സ്ഥാനാർഥിത്വം ശരിയോ തെറ്റോ എന്ന് കാലം തെളിയിക്കും എന്നും ഇ പി ജയരാജൻ എഴുതിയതായി റിപോർടുകൾ സൂചിപ്പിക്കുന്നു.

അതേസമയം, ആത്മകഥയിലെ ഭാഗങ്ങൾ തൻ്റേതല്ലെന്ന് ഇ പി ജയരാജൻ നേരത്തെ തന്നെ നിഷേധിച്ചു. താൻ ഇതുവരെ ആത്മകഥ എഴുതിത്തുടങ്ങിയിട്ടില്ലെന്നും അദ്ദേഹം വ്യക്തമാക്കി. എന്തുകൊണ്ടാണ് ഇത്തരം വ്യാജ വിവരങ്ങൾ പ്രചരിക്കുന്നതെന്ന് ചോദിച്ച അദ്ദേഹം, നിയമ നടപടി സ്വീകരിക്കുമെന്നും അറിയിച്ചിട്ടുണ്ട്. പിന്നാലെ ഡിജിപിക്ക് പരാതിയും നൽകി.

#EPJayarajan #PSarin #CPM #KeralaPolitics #AutobiographyControversy #PalakkadByelection

നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം. അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന നിയമനടപടികൾ നേരിടേണ്ടിവന്നേക്കാം.
Newsroom Delta
Newsroom Delta

10000 Articles

Tags

Share this story

wellfitindia