കളമശേരി: (KVARTHA) സ്വാതന്ത്ര്യദിനത്തിൽ ദേശീയ പതാകയ്ക്ക് പകരം കോൺഗ്രസ് പതാക ഉയർത്തി സി.പി.എം ബ്രാഞ്ച് കമ്മിറ്റി. എറണാകുളം ഏലൂർ പുത്തലത്താണ് ഈ വിചിത്രമായ സംഭവം നടന്നത്. പത്ത് മിനിറ്റിനുള്ളിൽ തന്നെ തെറ്റ് മനസ്സിലാക്കി പതാക മാറ്റിയെങ്കിലും, പതാക ഉയർത്തുന്നതിന്റെ വീഡിയോ സമൂഹമാധ്യമങ്ങളിൽ പ്രചരിച്ചതോടെ സംഭവം വലിയ വിവാദമായി.

സ്വാതന്ത്ര്യ ദിനത്തിൽ ദേശീയ പതാകയ്ക്ക് പകരം സി പി എം ഏലൂർ ബ്രാഞ്ച് കമ്മിറ്റി ഉയർത്തിയത് കോൺഗ്രസിൻ്റെ പതാക ... pic.twitter.com/aoYz4BpwnR

— Nithin Babu (@Nithinbabu97) August 20, 2025

ലോക്കൽ കമ്മിറ്റി അംഗങ്ങൾ ഉൾപ്പെടെ നിരവധി പാർട്ടി പ്രവർത്തകർ പങ്കെടുത്ത ചടങ്ങിൽ ഒരാൾ പോലും പതാക മാറിയത് ശ്രദ്ധിച്ചില്ല. വിവാദത്തെ തുടർന്ന് പാർട്ടി നടത്തിയ അന്വേഷണത്തിൽ, സംഭവം അബദ്ധം പറ്റിയതാണെന്ന് ബന്ധപ്പെട്ടവർ വിശദീകരണം നൽകി. ഈ വിഷയത്തിൽ കൂടുതൽ നടപടികളിലേക്ക് ഇപ്പോൾ കടക്കുന്നില്ലെന്ന് സി.പി.എം ലോക്കൽ സെക്രട്ടറി കെ.ബി. സുലൈമാൻ അറിയിച്ചു.

ദേശീയപതാക കൂടാതെ എല്ലാ രാഷ്ട്രീയ പാർട്ടികളുടെയും കൊടി തന്റെ പക്കലുണ്ടെന്നും, സ്വാതന്ത്ര്യദിനത്തിന് ഉയർത്താനുള്ള കൊടിയെടുത്തപ്പോൾ ശ്രദ്ധക്കുറവ് സംഭവിച്ചതാണെന്നും ലോക്കൽ കമ്മിറ്റി അംഗം പി.എസ്. അഷ്‌റഫ് പറഞ്ഞു.
 

ഈ വിഷയത്തിൽ നിങ്ങളുടെ അഭിപ്രായം എന്താണ്? കമന്റ് ചെയ്യുക.

Article Summary: CPI(M) branch raises Congress flag on Independence Day.

#IndependenceDay #Kerala #CPM #Congress #Kalamassery #PoliticalHumor