ചണ്ഡിഗഡ്: (KVARTHA) സിപിഐ പാർട്ടി കോൺഗ്രസ് വേദിക്ക് തൊട്ടടുത്തുണ്ടായ വാഹനാപകടത്തിൽ സംസ്ഥാന കൗൺസിൽ അംഗവും എറണാകുളത്തുനിന്നുള്ള വനിതാ നേതാവുമായ കമല സദാനന്ദന് സാരമായ പരുക്കേറ്റു. സമ്മേളന വേദിയിലേക്കു വരുമ്പോൾ റോഡ് മുറിച്ചു കടക്കുന്നതിനിടെ സ്‌കൂട്ടർ ഇടിച്ചാണ് അപകടമുണ്ടായത്.

അപകടത്തിൽ കമല സദാനന്ദന് തോളിനും ഇടുപ്പെല്ലിനുമാണ് പരുക്കേറ്റത്. ഉടൻതന്നെ ചണ്ഡിഗഡ് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും ശസ്ത്രക്രിയ നിർദ്ദേശിച്ചതിനെ തുടർന്ന് കൊച്ചിയിലേക്ക് മാറ്റാൻ പാർട്ടി നേതൃത്വം തീരുമാനിച്ചു. വിമാനമാർഗം കൊച്ചിയിലെത്തിച്ച് എറണാകുളം മെഡിക്കൽ ട്രസ്റ്റ് ആശുപത്രിയിൽ പ്രവേശിപ്പിക്കാനാണ് തീരുമാനമെടുത്തിരിക്കുന്നത്.

കൂടുതൽ വിവരങ്ങൾക്കായി കാത്തിരിക്കുകയാണ്. മുൻ ജില്ലാ സെക്രട്ടറി കെ.എൻ.ദിനകരനും ഭാര്യയും കമല സദാനന്ദനൊപ്പം കൊച്ചിയിലേക്ക് വരുന്നുണ്ട്.
 

റോഡ് മുറിച്ചു കടക്കുമ്പോൾ നമ്മൾ പാലിക്കേണ്ട സുരക്ഷാ മുൻകരുതലുകൾ എന്തൊക്കെയാണ്?

Article Summary: CPI leader Kamala Sadanandan injured in accident, to be brought to Kochi.

#CPI #KVARTHA #Chandigarh #Accident #KamalaSadanandan #KeralaPolitics