ആന്തൂരിൽ യുഡിഎഫ് സ്ഥാനാർത്ഥിയുടെ പത്രികയിലെ ഒപ്പ് വ്യാജം: നിർദേശകൻ പോലീസിൽ പരാതി നൽകി

കണ്ണൂർ: (KVARTHA) ആന്തൂർ നഗരസഭയിലെ യുഡിഎഫ് സ്ഥാനാർത്ഥിയുടെ പത്രികയിലെ നിർദേശകന്റെ ഒപ്പ് വ്യാജമെന്ന് ചൂണ്ടിക്കാട്ടി പത്രിക തള്ളിയ സംഭവത്തിൽ വഴിത്തിരിവ്. യുഡിഎഫ് സ്ഥാനാർത്ഥിയെ നിർദ്ദേശിക്കുകയോ പത്രികയിൽ ഒപ്പിട്ട് നൽകുകയോ ചെയ്തിട്ടില്ലെന്ന് ചൂണ്ടിക്കാട്ടി പറശ്ശിനിക്കടവ് സ്വദേശിയായ കെ പി കൃഷ്ണൻ തളിപ്പറമ്പ് പോലീസിൽ പരാതി നൽകി.

ആന്തൂർ നഗരസഭ കോടല്ലൂർ വാർഡിലെ യുഡിഎഫ് സ്ഥാനാർത്ഥിയുടെ നിർദേശകനായിരുന്നു കെ പി കൃഷ്ണൻ. സ്ഥാനാർത്ഥിയായ ഷമീമയെ തനിക്ക് പരിചയമില്ലെന്നും സ്ഥാനാർത്ഥിത്വത്തെ നിർദേശിക്കുകയോ ഒപ്പിട്ടുനൽകുകയോ ചെയ്തിട്ടില്ലെന്നും പരാതിയിൽ പറയുന്നു. തന്റെ ഒപ്പല്ലെന്ന് സത്യവാങ്മൂലം നൽകിയത് സ്വന്തം ഇഷ്ടപ്രകാരമാണെന്നും യുഡിഎഫ് സ്ഥാനാർത്ഥിക്കെതിരെ കേസെടുക്കണമെന്നും പരാതിയിൽ ആവശ്യപ്പെടുന്നുണ്ട്.

പത്രികയിൽ താൻ ഒപ്പിട്ടില്ലെന്ന് നിർദേശകൻ പറഞ്ഞതോടെ വരണാധികാരി സ്ഥാനാർത്ഥിയുടെ പത്രിക തള്ളുകയായിരുന്നു. പിന്നാലെ നിർദേശകനെ എൽഡിഎഫ് ഭീഷണിപ്പെടുത്തിയെന്ന് യുഡിഎഫ് ആരോപിച്ചിരുന്നു. എന്നാൽ, താൻ സ്വന്തം ഇഷ്ടപ്രകാരമാണ് സത്യവാങ്മൂലം നൽകിയതെന്ന് പരാതിയിൽ കൃഷ്ണൻ വ്യക്തമാക്കുന്നു.

ആന്തൂർ നഗരസഭയിലെ പത്രിക തള്ളിയ സംഭവത്തെക്കുറിച്ചുള്ള ഈ പ്രധാനപ്പെട്ട രാഷ്ട്രീയ വാർത്ത പങ്കുവെക്കൂ. നിങ്ങളുടെ പ്രതികരണം കമൻ്റ് ചെയ്യുക. 

Article Summary: UDF candidate's nominator in Anthoor files police complaint alleging forged signature on the nomination paper, contradicting UDF claims.

#Kannur #AnthoorMunicipality #UDF #KeralaElection #NominationRejected #PoliticalNews