നിയന്ത്രണം വിട്ട ബൈക്ക് ഓവുചാലിലേക്ക് മറിഞ്ഞു; ഗുരുതരമായി പരുക്കേറ്റ് ചികിത്സയിലായിരുന്ന യുവാവ് മരിച്ചു

കണ്ണൂർ: (KVARTHA) ബൈക്ക് നിയന്ത്രണം വിട്ട് ഓവുചാലിൽ വീണ് ഗുരുതരമായി പരുക്കേറ്റ് ചികിത്സയിലായിരുന്ന നീലേശ്വരം സ്വദേശിയായ യുവാവ് മരിച്ചു. 

നീലേശ്വരം കൊട്രച്ചാലിലെ എ.കെ. ബാലകൃഷ്ണൻ-ഓമന ദമ്പതികളുടെ മകൻ എ.കെ. അനുരാഗ് (24) ആണ് മരിച്ചത്. കണ്ണൂർ കിംസ് ശ്രീചന്ദ് ആശുപത്രിയിൽ ചികിത്സയിലിരിക്കെ തിങ്കളാഴ്ച വൈകുന്നേരം ആറോടെയായിരുന്നു അന്ത്യം. 

അപകടം വീട്ടിലേക്ക് മടങ്ങുന്നതിനിടെ 

ജനുവരി 25-ന് രാത്രി 11 മണിയോടെ ചെറുവത്തൂർ എരഞ്ഞിക്കൽ തുരുത്തി പൊട്ടൻ ദൈവം ദേവസ്ഥാനത്തിന് അടുത്തുവെച്ചാണ് അപകടമുണ്ടായത്. മടക്കരയിൽ നിന്നും കൊട്രച്ചാലിലെ വീട്ടിലേക്ക് മടങ്ങുകയായിരുന്നു അനുരാഗ്. ഇതിനിടെ ബൈക്ക് നിയന്ത്രണം വിട്ട് ഓവുചാലിലേക്ക് മറിയുകയായിരുന്നു.

രക്ഷകരായി നാട്ടുകാർ 

അപകടത്തെ തുടർന്ന് ഓവുചാലിൽ വീണ് അബോധാവസ്ഥയിൽ കിടക്കുകയായിരുന്ന യുവാവിനെ നാട്ടുകാരാണ് ആശുപത്രിയിൽ എത്തിച്ചത്. ഗുരുതരമായി പരുക്കേറ്റ അനുരാഗ് കണ്ണൂരിലെ സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലായിരുന്നു.

സംസ്കാരം ചൊവ്വാഴ്ച 

മൃതദേഹം ചൊവ്വ കോട്ടപ്പുറം സമുദായ സ്മശാനത്തിൽ സംസ്കരിച്ചു. സഹോദരി: അനുഷ.

ഈ വാർത്ത ഷെയർ ചെയ്യൂ. 

Article Summary: A.K. Anurag (24), a native of Nileshwaram, died while undergoing treatment for injuries sustained in a bike accident. His bike had fallen into a drainage ditch near Thuruthi on January 25.

 #Nileshwaram #Kannur #BikeAccident #DeathNews #RoadSafety #Kasargod #Obituary