ജ്യൂസ് ഫാക്ടറിയിൽ ദുരന്തം: തലയിൽ കമ്പി തുളച്ചുകയറി തൊഴിലാളി മരിച്ചു

തളിപ്പറമ്പ്: (KVARTHA) സ്റ്റീമർ പൊട്ടിത്തെറിച്ച് ഗുരുതരമായി പരിക്കേറ്റ അസം സ്വദേശി മരിച്ചു. നാടുകാണി കിൻഫ്ര പാർക്കിലെ നാപ്‌റ്റ ന്യൂട്രിക്കോ എന്ന ജ്യൂസ് ഫാക്ടറിയിലെ തൊഴിലാളിയായിരുന്ന അമീർ ഹുസൈൻ (26) ആണ് മരിച്ചത്.

തിങ്കളാഴ്ച വൈകുന്നേരമാണ് സ്റ്റീമർ പൊട്ടിത്തെറിച്ച് തലയിൽ ഇരുമ്പുകമ്പി തുളച്ചുകയറി അമീറിന് ഗുരുതരമായി പരിക്കേറ്റത്. പരിയാരം കണ്ണൂർ ഗവ. മെഡിക്കൽ കോളേജിൽ പ്രവേശിപ്പിച്ച ഇയാളെ രാത്രിയോടെ കണ്ണൂരിലെ എ.കെ.ജി. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

മൃതദേഹം പോസ്റ്റ്‌മോർട്ടത്തിന് ശേഷം നാട്ടിലേക്ക് കൊണ്ടുപോകും. നാറാത്ത് സ്വദേശി അബ്ദുല്ലയുടെ ഉടമസ്ഥതയിലുള്ളതാണ് ഫാക്ടറി.

ദാരുണമായ ഈ അപകടത്തെക്കുറിച്ച് കൂടുതൽ ആളുകളിലേക്ക് ഈ വാർത്തയെത്തിക്കാൻ സഹായിക്കൂ. നിങ്ങളുടെ അഭിപ്രായം രേഖപ്പെടുത്തുക.

Article Summary: Worker dies in a factory accident after a steamer explosion.

#FactoryAccident #KeralaNews #Thaliparamba #IndustrialSafety #WorkerDeath #Kasaragod