തിരുവനന്തപുരം: (KVARTHA) മലയാള സിനിമയിലെ ആദ്യകാല നായികയായിരുന്ന നെയ്യാറ്റിന്‍കര കോമളം (Neyyattinkara Komalam-96) അന്തരിച്ചു. പ്രേംനസീറിന്റെ ആദ്യ നായികയായിരുന്നു. പാറശ്ശാല സരസ്വതി ആശുപത്രിയില്‍ വച്ചായിരുന്നു അന്ത്യം. കഴിഞ്ഞ കുറച്ച് നാളായി വാര്‍ധക്യ സഹജമായ അസുഖങ്ങളെ തുടര്‍ന്ന് ചികിത്സയിലായിരുന്നു. 

മലയാള സിനിമയിലെ ആദ്യകാല നായികയായിരുന്നു കോമളം. കാട് പ്രമേയമാക്കി മലയാള ഭാഷയില്‍ ആദ്യമിറങ്ങിയ സിനിമയായ വനമാലയിലൂടെയാണ് കോമളം ചലച്ചിത്ര ലോകത്ത് പ്രവേശിക്കുന്നത്. പ്രേം നസീറിന്റെ ആദ്യ ചിത്രമായ മരുമകളില്‍ കോമളം നായികയായി എത്തി. 

കല്ല്യാണിയമ്മ എന്ന വേഷത്തിലെത്തിയ 1955ല്‍ പുറത്ത് വന്ന ന്യൂസ്‌പേപ്പര്‍ ബോയ് ആണ് കോമളത്തിന്റെ ശ്രദ്ധേയമായ ചിത്രം. പ്രേം നസീറിന്റെ ആദ്യ സിനിമയും കോമളത്തിന്റെ മൂന്നാമത്തെ ചിത്രമായിരുന്ന മരുമകളില്‍ അഭിനയിച്ചതോടെ അവര്‍ കൂടതല്‍ ശ്രദ്ധനേടി. ശേഷം വനമാല, ആത്മശാന്തി, സന്ദേഹി തുടങ്ങിയ സിനിമകളിലും അവര്‍ അഭിനയിച്ചു. 

#MalayalamCinema #Actress #NeyyattinkaraKomalam #RIP #MalayalamMovies #IndianCinema #Obituary #PremNazir