കൊല്‍ക്കത്തയില്‍ രണ്ട് പെണ്‍കുട്ടികള്‍ 18നില കെട്ടിടത്തില്‍ നിന്നും വീണുമരിച്ചു

കൊല്‍ക്കത്ത: നഗരത്തിലെ 18 നില കെട്ടിടത്തിന്റെ മുകളില്‍ നിന്നും രണ്ട് പെണ്‍കുട്ടികള്‍ വീണുമരിച്ചു. ഒന്‍പതാംക്ലാസ് വിദ്യാര്‍ത്ഥിനികളായ സബിബ ചന്ദന, നേഹാ പഞ്ചരി എന്നിവരാണ്‌ മരിച്ചത്. മരണത്തെക്കുറിച്ച് കൂടുതലൊന്നും വ്യക്തമല്ല. ആത്മഹത്യയാണെന്ന സംശയം നിലനില്‍ക്കുന്നുണ്ടെങ്കിലും ആത്മഹത്യാകുറിപ്പോ മറ്റ് വിവരങ്ങളോ പോലീസിന്‌ ലഭിച്ചിട്ടില്ല.

ബുധനാഴ്ച പുലര്‍ച്ചെ ആറ് മണിയോടെ പെണ്‍കുട്ടികളുടെ അലര്‍ച്ചകേട്ടെത്തിയ സെക്യൂരിറ്റി ഗാര്‍ഡാണ്‌ മൃതദേഹങ്ങള്‍ ആദ്യം കണ്ടത്. മരണത്തെക്കുറിച്ച് പോലീസ് അന്വേഷണം ആരംഭിച്ചു.

ഇ.എം ബൈപാസിലെ ഹൗസിംഗ് കോം പ്ലക്സിലെ താമസക്കാരിയായ സബിബ പുലര്‍ച്ചെ നേഹയുടെ ഫ്ലാറ്റില്‍ എത്തിയതാകാമെന്ന്‌ പോലീസ് പറഞ്ഞു.

പതിനൊന്ന്‌ ദിവസങ്ങള്‍ക്കുമുന്‍പ് യുവതി തന്റെ രണ്ട് മക്കള്‍ക്കൊപ്പം 38നില കെട്ടിടത്തില്‍ നിന്നും ചാടി ആത്മഹത്യ ചെയ്തിരുന്നു. ഭര്‍ത്താവിന്റെ മരണമാണ്‌ യുവതിയെ ആത്മഹത്യയ്ക്ക് പ്രേരിപ്പിച്ചത്.