ഗ്യാസ് ലോറി അപ­കടം: മര­ണം ര­ണ്ടായി

Abdul Azeez

ക­ണ്ണൂര്‍: ചാ­ല ബൈ­പ്പാ­സി­ന് സ­മീ­പം ഗ്യാ­സ് ടാ­ങ്കര്‍ ലോ­റി ഡി­വൈ­ഡ­റില്‍ ത­ട്ടി മ­റി­ഞ്ഞ് തീ­പി­ടി­ച്ച് പൊ­ട്ടി­ത്തെ­റി­ച്ച അ­പ­ക­ട­ത്തില്‍ മരണം രണ്ടാ­യി. പ­രി­ക്കേ­റ്റ് ചി­കി­ത്സ­യി­ലാ­യി­രു­ന്ന ഒ­രാള്‍ കൂടി ചൊ­വ്വാഴ്ച്ച വൈകു­ന്നേ­ര­ത്തോടെ മരി­ച്ചു. ചാല സ്വദേശി അബ്­ദുല്‍ അസീസ് (55) ആ­ണ് മ­രി­ച്ച­ത്. കൊ­യി­ലി ആ­ശു­പ­ത്രി­യില്‍ ചി­കി­ത്സ­യി­ലാ­യി­രു­ന്ന ചാ­ല ശ്രീ­നി­ല­യ­ത്തില്‍ കേ­ശ­വ­ന്റെ ഭാ­ര്യ ശ്രീ­ല­ത (49) ചൊ­വ്വാഴ്ച്ച രാവിലെ മ­രി­ച്ചി­രുന്നു. അ­ബ്­ദുല്‍ അസീസ് വൈകി­ട്ടോടെ പരി­യാരം മെഡി­ക്കല്‍ കോളേ­ജാ­ശു­പ­ത്രി­യില്‍ വെ­ച്ചാണ് മ­രിച്ചത്. തിങ്ക­ളാഴ്ച രാ­ത്രി 11.30ഓ­ടെ­യാ­ണ് അ­പ­ക­ട­മു­ണ്ടാ­യ­ത്.

സ്­ത്രീ­ക­ളും കു­ട്ടി­ക­ളും ഉള്‍­പ്പെ­ടെ അ­പ­ക­ട­ത്തില്‍ പൊ­ള്ള­ലേ­റ്റ 39 പേര്‍ ചി­കി­ത്സ­യി­ലാ­ണ്. ഇ­വ­രില്‍ മൂ­ന്നു പേ­രു­ടെ നി­ല അ­തീ­വ­ഗു­രു­ത­ര­മാ­ണ്. പ­രി­യാ­രം മെ­ഡി­ക്കല്‍ കോ­ള­ജില്‍ പ്ര­വേ­ശി­പ്പി­ച്ച ഇ­വ­രില്‍ കൃ­ഷ്­ണന്‍ എന്ന­യാളെ വെന്റി­ലേ­റ്റ­റി­ലേ­ക്ക് മാ­റ്റി­. 15 പേ­രു­ടെ പ­രി­ക്ക് ഗു­രു­ത­ര­മാ­ണ്. പ­രി­യാ­രം മെ­ഡി­ക്കല്‍ കോ­ള­ജ് കൂ­ടാ­തെ ക­ണ്ണൂ­രി­ലെ­യും ത­ല­ശേ­രി­യി­ലെ­യും വി­വി­ധ ആ­ശു­പ­ത്രി­ക­ളി­ലാ­ണ് പ­രി­ക്കേ­റ്റ­വ­രെ പ്ര­വേ­ശി­പ്പി­ച്ചി­ട്ടു­ള്ള­ത്. നാല്‍­പ­ത് ശ­ത­മാ­ന­ത്തില്‍ കൂ­ടു­തല്‍ പൊ­ള്ള­ലേ­റ്റ­വ­രാ­ണ് അ­ധി­ക­വും.

മരിച്ച ശ്രീല­ത­യുടെ ഭര്‍ത്താവ് ജി­ല്ലാ ആ­ശു­പ­ത്രിയിലെ റി­ട്ടയേഡ് ന­ഴ്‌­സിം­ഗ് അ­സി­സ്റ്റന്റ് കേ­ശ­വ­നും ഗു­രു­ത­ര­മാ­യി പൊ­ള്ള­ലേ­റ്റ് തീ­വ്ര­പ­രി­ച­ര­ണ വി­ഭാ­ഗ­ത്തില്‍ ക­ഴി­യു­ക­യാ­ണ്. ഇ­വ­രു­ടെ മ­കന്‍ ഒ­രു വി­വാ­ഹ സല്‍­കാ­ര­ത്തില്‍ പ­ങ്കെ­ടു­ക്കാന്‍ പോ­യ­തി­നാല്‍ പ­രി­ക്കേല്‍­ക്കാ­തെ ര­ക്ഷ­പ്പെ­ട്ടു. പ­രു­ക്കേ­റ്റ­വ­രില്‍ റ­സാ­ഖ്­(50), റ­മീ­സ (20), ഹി­ലാല്‍­ (­ഒ­ന്ന്), ര­മ­ (50), കു­ഞ്ഞി­ക്കൃ­ഷ്­ണന്‍­ (55), പ്ര­മോ­ദ്­ (41), ല­ത­ (45), ആ­ഇഷ (60), റീ­ന­ (45), ദേ­വി­(53), ന­ടാ­ലി­ലെ ബാ­ബു­രാ­ജ് (49) എ­ന്നി­വരെയാണ് പ­രി­യാ­രം മെ­ഡി­ക്കല്‍ കോ­ള­ജില്‍ ചി­കില്‍­സ­യി­ലു­ള്ള­ത്.­

ക­ണ്ണൂര്‍ എ­കെ­ജി ആ­ശു­പ­ത്രി­യില്‍ 12 പേ­രെ പ്ര­വേ­ശി­പ്പി­ച്ചി­ട്ടു­ണ്ട്. ഇ­തില്‍ മൂ­ന്നു­പേ­രു­ടെ നി­ല ഗു­രു­ത­ര­മാ­ണ്. റം­ല, റി­സ്‌വാന്‍, നി­ജില്‍, ഗീ­ത, ഫാ­ത്തി­മ, ഷ­റ­ഫി­യ, ജ­സീ­ല, ആ­ഷിര്‍, അ­ഹ്മ­ദ്, ന­ഫീ­സ, അ­ന­സ്, സ­ത്താര്‍ എ­ന്നി­വ­രാ­ണ് എ­കെ­ജി ആ­ശു­പ­ത്രി­യില്‍ ചി­കില്‍­സ­യി­ലു­ള്ള­ത്.­ ഗു­രു­ത­ര­മാ­യി പൊ­ള്ള­ലേ­റ്റ മൂന്നു ­പേ­ര­ട­ക്കം ആറു ­പേ­രെ കൊ­യി­ലി ആ­ശു­പ­ത്രി­യില്‍ പ്ര­വേ­ശി­പ്പി­ച്ചി­ട്ടു­ണ്ട്. ഒ­രാ­ളു­ടെ കൈ അ­റ്റു­പോ­യ നി­ല­യി­ലാ­ണ്.

അ­ഴീ­ക്കല്‍ കോ­സ്റ്റ് ഗാര്‍­ഡ് പോ­ലീ­സ് സ്‌­റ്റേ­ഷന്‍ എ­സ് ഐ ധ­ര­വ­തി ഹൗ­സില്‍ പി. രാ­ജന്‍ (52), ഭാ­ര്യ ഒ. ­ഇ­ന്ദു­ലേ­ഖ (45), രാ­ജ­ന്റെ അ­മ്മ നാ­ണി­യ­മ്മ (75), മ­കള്‍ നി­ഹാ­രാ­ജ് (19), ശ്രീ­നി­ല­യം വീ­ട്ടില്‍ കേ­ശ­വന്‍ (59), ആര്‍­പി വീ­ട്ടില്‍ ല­ക്ഷ്­മ­ണന്‍ (68) എ­ന്നി­വ­രെ കൊ­യി­ലി ആ­ശു­പ­ത്രി­യില്‍ പ്ര­വേ­ശി­പ്പി­ച്ചു.­ ചാ­ല അ­മ്പ­ല­ത്തി­നു സ­മീ­പ­ത്തെ ഹോ­മി­യോ ഡോ­ക്­ടര്‍ കൃ­ഷ്­ണന്‍ (75), വാ­ഴ­യില്‍ ഹൗ­സില്‍ കു­ഞ്ഞി­ക്ക­ണ്ണന്‍ (60) എ­ന്നി­വ­രെ സാ­ര­മാ­യ പ­രു­ക്കു­ക­ളോ­ടെ ജി­ല്ലാ ആ­ശു­പ­ത്രി­യില്‍ പ്ര­വേ­ശി­പ്പി­ച്ചു. അ­ര­യാ­ക്കീല്‍ ഭാ­സ്­ക­ര­നെ (59) താ­ണ സ്‌­പെ­ഷ്യല്‍­റ്റി ആ­ശു­പ­ത്രി­യില്‍ പ്ര­വേ­ശി­പ്പി­ച്ചു.­ അ­തീ­വ ഗു­രു­ത­ര­മാ­യി പൊ­ള്ള­ലേ­റ്റ തോ­ട്ട­ട­യി­ലെ ഓ­മ­ന­അ­മ്മ (65)യെ കോ­ഴി­ക്കോ­ട് മെ­ഡി­ക്കല്‍ കോ­ള­ജ് ആ­ശു­പ­ത്രി­യില്‍ പ്ര­വേ­ശി­പ്പി­ച്ചു.