പത്തനംതിട്ട: (KVARTHA) അഹമ്മദാബാദിലുണ്ടായ വിമാന ദുരന്തത്തിൽ ജീവൻ നഷ്ടപ്പെട്ട മലയാളി നഴ്‌സ് രഞ്ജിതയുടെ മൃതദേഹം ജന്മനാട്ടിലെത്തിച്ചു. രാവിലെ പത്തുമണിയോടെ പത്തനംതിട്ടയിലെത്തിച്ച ഭൗതികദേഹം, പുല്ലാട് ശ്രീ വിവേകാനന്ദ ഹൈസ്‌കൂളിൽ പൊതുദർശനത്തിന് വെച്ചിരിക്കുകയാണ്. രഞ്ജിതയെ ഒരു നോക്ക് കാണാൻ ബന്ധുക്കളും നാട്ടുകാരും ഉൾപ്പെടെ നിരവധി പേരാണ് ഇവിടെ എത്തുന്നത്. വൈകിട്ട് 4:30-ന് വീട്ടുവളപ്പിലാണ് സംസ്കാരച്ചടങ്ങുകൾ നടക്കുക.

രാവിലെ ഏഴ് മണിയോടെ തിരുവനന്തപുരം വിമാനത്താവളത്തിൽ എത്തിച്ച മൃതദേഹം, മന്ത്രി വി. ശിവൻകുട്ടിയുടെ നേതൃത്വത്തിൽ ഏറ്റുവാങ്ങി. മന്ത്രി ജി. ആർ. അനിൽ, സി.പി.എം. ജനറൽ സെക്രട്ടറി എം. എ. ബേബി, സി.പി.എം. സംസ്ഥാന സെക്രട്ടറി എം. വി. ഗോവിന്ദൻ, കോൺഗ്രസ് നേതാവ് തിരുവഞ്ചൂർ രാധാകൃഷ്ണൻ, ബി.ജെ.പി. നേതാവ് എസ്. സുരേഷ് എന്നിവർ വിമാനത്താവളത്തിൽ അന്തിമോപചാരം അർപ്പിച്ചു. വിമാനത്താവളത്തിൽ നിന്ന് റോഡ് മാർഗമാണ് മൃതദേഹം സ്വദേശമായ പത്തനംതിട്ട പുല്ലാടേക്ക് എത്തിച്ചത്. പൊതുദർശനം നടക്കുന്ന സ്കൂളിന് പുറമെ, ഗതാഗത തടസ്സം ഉണ്ടാകാനുള്ള സാധ്യത കണക്കിലെടുത്ത് പുല്ലാട് വടക്കേകവല മോഡൽ യു.പി. സ്കൂളിനും കളക്ടർ അവധി പ്രഖ്യാപിച്ചിട്ടുണ്ട്.

അഹമ്മദാബാദ് വിമാന ദുരന്തത്തില്‍ മരിച്ച മലയാളി നഴ്‌സ് രഞ്ജിതക്ക് അനുശോചനം രേഖപ്പെടുത്തൂ.

Article Summary: Malayali nurse Ranjitha's body, deceased in Ahmedabad air disaster, reaches native place Pathanamthitta for public homage and funeral.

#Ranjitha, #AhmedabadAirDisaster, #Pathanamthitta, #MalayaliNurse, #KeralaTragedy, #FinalJourney