സാമ്പത്തിക പ്രതിസന്ധിയിൽ കുടുംബം കടുംകൈ ചെയ്തു: പത്തനംതിട്ടയിൽ ഒരാൾ മരിച്ചു, രണ്ടുപേർ ഗുരുതരാവസ്ഥയിൽ

പത്തനംതിട്ട: (KVARTHA) ജില്ലയിലെ കൊടുമൺ രണ്ടാം കുറ്റിയിൽ സാമ്പത്തിക ബാധ്യത കാരണം ഒരു കുടുംബത്തിലെ മൂന്നുപേർ ജീവൻ അവസാനിപ്പിക്കാൻ ശ്രമിച്ചു. ഈ സംഭവത്തിൽ 48 വയസ്സുകാരിയായ ലീല മരണപ്പെട്ടു. അമിതമായി ഗുളികകൾ കഴിച്ച് അവശനിലയിലായ ഭർത്താവിനെയും മകനെയും കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

പോലീസ് നൽകുന്ന വിവരമനുസരിച്ച്, രാത്രിയിലാണ് സംഭവം നടന്നത്. സാമ്പത്തിക പ്രതിസന്ധി കാരണം ലീലയും ഭർത്താവും മകനും ഒരുമിച്ച് ഗുളികകൾ കഴിച്ച് ജീവൻ ഒടുക്കാൻ ശ്രമിക്കുകയായിരുന്നു എന്നാണ് പ്രാഥമിക വിവരം. 
 

എന്നാൽ, ഭയം കാരണം മകൻ ഈ തീരുമാനത്തിൽ നിന്ന് പിന്മാറി. പിന്നീട്, ഭർത്താവും മകനും ഉറങ്ങിക്കിടക്കുമ്പോൾ ലീല കിടപ്പുമുറിയിലെ ഫാനിൽ തൂങ്ങി മരിക്കുകയായിരുന്നു.

രാവിലെ അയൽവാസികളോട് വിവരം പറഞ്ഞതോടെയാണ് സംഭവം പുറത്തറിയുന്നത്. തങ്ങളും ഗുളിക കഴിച്ചിരുന്നതായി ഭർത്താവും മകനും വെളിപ്പെടുത്തിയതിനെ തുടർന്ന് ഇവരെ ആദ്യം അടൂർ താലൂക്ക് ആശുപത്രിയിലേക്കും പിന്നീട് കോട്ടയം മെഡിക്കൽ കോളേജിലേക്കും മാറ്റി.
 

കുടുംബത്തിന് കടുത്ത സാമ്പത്തിക ബാധ്യതയുണ്ടായിരുന്നതായും ഒന്നിലധികം സ്വകാര്യ ധനകാര്യ സ്ഥാപനങ്ങളിൽ നിന്ന് വായ്പയെടുത്തിരുന്നതായും നാട്ടുകാർ പറയുന്നു. ലോൺ തിരിച്ചടയ്ക്കാൻ സാധിക്കാതെ വന്നതോടെ ഭീഷണികൾ ഉണ്ടായിരുന്നതായും സൂചനയുണ്ട്.

സംഭവത്തിൽ പോലീസ് വിശദമായ അന്വേഷണം ആരംഭിച്ചിട്ടുണ്ട്. എറണാകുളത്ത് ജോലി ചെയ്യുന്ന ഇവരുടെ മറ്റൊരു മകൻ വിവരമറിഞ്ഞ് നാട്ടിലെത്തിയിട്ടുണ്ട്.

സാമ്പത്തിക പ്രതിസന്ധി നേരിടുന്നവർക്ക് എന്ത് പിന്തുണയാണ് നൽകേണ്ടതെന്ന് നിങ്ങളുടെ അഭിപ്രായം പങ്കുവെക്കുക.

Article Summary: Family attempts assault in Pathanamthitta due to financial crisis.
 

#Pathanamthitta #FinancialCrisis #AssaultAttempt #KeralaCrime #Kodumon #FamilyTragedy