പാലക്കാട്: (KVARTHA) നാട്ടുകല്ലിൽ ഒമ്പതാം ക്ലാസുകാരിയുടെ മരണവുമായി ബന്ധപ്പെട്ട് ശ്രീകൃഷ്ണപുരം സെന്റ് ഡൊമിനിക് സ്കൂളിൽ രക്ഷിതാക്കളുടെയും വിവിധ സംഘടനാ പ്രതിനിധികളുടെയും ശക്തമായ പ്രതിഷേധം. സ്കൂൾ മാനേജ്‌മെൻ്റ് വിളിച്ചുചേർത്ത യോഗത്തിലും രക്ഷിതാക്കൾ പ്രതിഷേധമുയർത്തി.

മാനസിക പീഡനമെന്ന് കുടുംബത്തിന്റെ ആരോപണം

തച്ചനാട്ടുകര പാലോട് ചോളോട് ചെങ്ങളക്കുഴിയിൽ ആശിർനന്ദ (14) എന്ന വിദ്യാർത്ഥിനിയെയാണ് ചൊവ്വാഴ്ച തൂങ്ങിമരിച്ച നിലയിൽ കണ്ടെത്തിയത്. ശ്രീകൃഷ്ണപുരം സെന്റ് ഡൊമിനിക്ക് സ്കൂളിലെ ഒമ്പതാം ക്ലാസ് വിദ്യാർത്ഥിനിയായിരുന്നു ആശിർനന്ദ. പെണ്‍കുട്ടിയുടെ മരണത്തിന് കാരണം സ്കൂളിലെ മാനസിക പീഡനമാണെന്ന് ബന്ധുക്കൾ ആരോപിച്ചു. മാർക്ക് കുറഞ്ഞപ്പോൾ കുട്ടിയെ ക്ലാസ് മാറ്റിയിരുത്തിയെന്നും, ഇത് ആശിർനന്ദയ്ക്ക് വലിയ മനോവിഷമമുണ്ടാക്കിയെന്നും കുട്ടിയുടെ അച്ഛനും അമ്മയും പറഞ്ഞു. ഈ സംഭവത്തിൽ സ്കൂളിനെതിരെ പ്രതിഷേധം ശക്തമാവുകയാണ്.

(ശ്രദ്ധിക്കുക: സ്വയം ജീവനൊടുക്കുന്നത് ഒന്നിനും പരിഹാരമല്ല. മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. Toll free helpline number: 1056, 0471-2552056)

വിദ്യാർത്ഥികളുടെ മാനസികാരോഗ്യത്തെക്കുറിച്ച് ഈ സംഭവത്തിൽ നിങ്ങൾക്കെന്തു പറയാനുണ്ട്? അഭിപ്രായം പങ്കുവെക്കൂ.

Article Summary: 9th grader's death in Palakkad; family blames school's mental harassment, protests.

#PalakkadDeath #StudentProtest #SchoolHarassment #Ashirnanda #KeralaNews #MentalHealth